FILIPI 2:17 - Laibaibal Thiang (BSI)

¹⁷ Asi, zumhnâk i rian nan ṭuannâk le raithawinâk nan tuahmi i nan din awkah bungh dih ka si hmanh ah nan dih lak sinah kâ nuam in kâ lawm ko lai.

Lai (Hakha) Common Language Bible 2006

¹⁷ Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

FILIPI 2:17 Խաչաձեւ Հղումներ

2TIMOTE 4:6

Kei tu cu ka chuah cân a nai cang, raithawinâk ti bangin thlet awkah timh cia in ka um lio cân a si.

ROM 15:16

cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai.

2 KORIN 12:15

Cun kei cu lunglawm in nan thlarau caah kâ hmang dih lai, a dihumnâk in ka hman lai. Kan dawtnâk hna a ngan deuh pauh le nanka dawtnâk a zawr deuh lai maw?

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

FILIPI 1:20

Hi ka taksa ah hin thihnâk in siseh nunnâk in siseh Krih cu thangṭhat in a um hrimhrim ko lai, zei thil pauh ah mualpho in ka um lai lo ti kha ralṭha in kâ ruahchanmi a si.

2 KORIN 7:4

Nan sinah ralṭha in bia kan chim ngam, kan hmaihngalnâk bik nan si. Hnangamnâk in ka khat. Kan harnâk vialte zongah lunglomhnâk in kan khat tawn.

1JOHAN 3:16

Dawtnâk cu hitihin kan hngalh, kan ca i a nunnâk a pêkmi ah hin. Cun kan nih zong nih kan unau caah kan nunnâk kan pêk ve awk a si.

ROM 12:1

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

1THESALON 2:8

Cuticun hitlukin kan in ngaih hna ruangah hin, Pathian thawngṭha cawnpiak lawng hmanh hi kan i lung si lo, kan ca-ah ngaih um tukmi nan si caah, kan nunnâk tiang pêk kan in duh hna.

FILIPI 4:18

A ngaingai tiah zeizong vialte tam ngaiin ka ngei, zeihmanh ka bau lo, Epafarodistas kutah nan rak kuatmi thil kha ka hmuh hna, cucu a rim a hmuimi, cohlan awktlak raithawinâk le Pathian lomhtertu ṭha an si.

FILIPI 2:30

Zeicatiah nanka bomhnâk nih a tlinh lomi tlinter awkah, a nunnâk tiang ruat loin Krih rian a ṭuannâk ah a thi deng mang.

LAMKALTU 21:13

Paul nih, zeiruangahdah nan ṭah i ka lung nan ka hnoter? Zeitintiah Bawipa Jesuh ruangah cun Jerusalem i ṭemchih lawng si loin thih hmanh ka huam ko,” tiah a ti.

LAMKALTU 20:24

Asinain hi thil hna nih hin `ihnâk pakhat te hmanh anka pe lo. Tlik kâ zuamnâk lam zulh i Bawipa Jesuh sinin ka hmuhmi rian Pathian Zângfahnâk Thawng`ha bia theihter hi lunglawm tein ka lîm khawhnâk ding a si ahcun ka nunnâk hmanh hi ka zâng a râm lo.

2 KORIN 6:10

ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn.

FILIPI 2:18

Zeitintiah hi â khatmi ruahnâk ah hin nannih zong i lawm ulaw ka lawmhpi ve u.

2 KORIN 4:12

Cuticun kanmah ah thihnâk in a ṭuan nain nannih tu ah cun nunnâk in a ṭuan tawn.