FILIPI 2:13 - Laibaibal Thiang (BSI)

¹³ zeitintiah Amah lawmhnâk le duhnâk bangin nanmah ah a ṭuntu cu Pathian a si.

Lai (Hakha) Common Language Bible 2006

¹³ Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

FILIPI 2:13 Խաչաձեւ Հղումներ

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

2 KORIN 3:5

Thil vialte hi kanmah lei in a tling dih kan tinâk si loin, kan tlinnâk cu Pathian sinin a si,

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

ROM 9:16

Cuticun a duhtu le a panhtu ruangah a si lo i a zângfahtu Pathian thawngin a si deuh.

1 KORIN 15:10

Asinain Pathian zângfahnâk ruangah atu ka sining hi ka rak si, ka cung i a zângfahnâk cu a sawhsawh a si lo. Cucaah annih vialte nâkin thaba deuh in ka ṭuan, asinain keimah ṭuanmi cu a si lo. Pathian zângfahnâk keimah i a ummi nih a ṭuanmi a si.

JOHAN 3:27

Johan nih, “Van lei in pêk an si lo ahcun, minung nih zeihmanh an cohlang kho lo,

EFESA 1:11

Amah ah rocotu sinâk zong kan co cang, cucu Amah duhning le remruat ningin zeizong vialte tuahtu tinh ningin ruahciami a si,

1 KORIN 12:6

Cun rian ṭuanning a phunphun a um, asinain zeizong vialte i rianṭuantu Pathian cu â khat ko.

2 THESALON 1:11

Cucaah kan Pathian nih a kawhnâk ah tel awk a tlâkmi ah an ruah hna i a ṭhatnâk chungah a lawmhmi thilṭha hna cu ṭhawnnâk le zumhnâk in nan tlinter khawh nâkhnga nan caah thla kan cam tawn.

EFESA 1:5

Amah duhnâk le ṭha a ti ningin, Jesuh Krih thawngin Amah fa bang i canter awkah a kan khaukhih cang,

EFESA 2:8

Zeitintiah zumhnâk thawngin zângfahnâk i khamh nan si, cucu nanmah ta a si lo, Pathian thilpêk a si,

SALM 119:36

Na hngalhternâk bia lei ah ka lungthin hi mer law, hakkauhnâk lei ah cun si hlah seh.

LUKA 12:32

Bu tlawmte hna, ṭih hlah u, zeitintiah pennâk pêk hi nan Pa lawmhnâk a si.

EFESA 1:9

Amah nih â tinhning le lawmhning tein, a duhnâk biathli cu kan sinah a phuan cang,

JOHAN 6:65

Cun a chim ṭhân i, “Cucaah dahkaw nan sinah Pa nih a pêk hna dah ti lo ahcun ahohmanh ka sinah nan ra kho lo, tiah kan ti hna kha,” tiah a ti.

ROM 9:11

( ngakchia hna an chuah hlan i sualnâk le ṭhatnâk zong an tuahkhawh hlan ah khan, tuahsernâk ruangah si loin, A kotu hna thawngin, Pathian timhmi zoh chihin thimmi an sining a feh khawh nâkhnga)

PHUNGTHLÛKBIA 21:1

Siangpahrang lungthin cu BAWIPA kut ah a um, tiva i ti a luangmi bantukin a duhnâk lei pauh ah a luanter tawn.

JOHAN 6:45

Profet hna cauk ah, “Pathian cawnpiak in an um dih lai,” tiah ṭial a si. Pa bia thei i a cawngmi pauh cu ka sinah an ra tawn.

SALM 141:4

Sualnâk tuah ding le, sualpalhnâk tuahtu hna sinah kâ tel sual nâkhnga lo, ka lungthin hi Ṭhatlonâk lei hawihter hlah. a thawmi an rawl zong ka eiter hlah.

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,

LAMKALTU 11:21

Bawipa kut nih a umpi hna i mi tampi nih an zumh i Bawipa leiah an i mer.

SALM 110:3

Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

ROM 12:3

Zeitintiah Pathian pekmi zângfahnâk ruangah hin, nan lakah ahohmanh nih mah sinâk cungah i santer loin, Pathian nih mikip sinah zumhnâk a pêkning cio in, felfai tein ruat cio hna seh ti ka duh.