FILIPI 2:12 - Laibaibal Thiang (BSI)

¹² Cucaah ka dawt le hna, nawl nan ngaih tawn bangkhan, ka um lio lawngah si loin, atu ka um lo zongah ngai chin chinin ṭih le ther buin khamh nansinâk kha chuak lakin ṭuan ve u,

Lai (Hakha) Common Language Bible 2006

¹² Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

FILIPI 2:12 Խաչաձեւ Հղումներ

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

HEBRU 4:11

Cucaah cu dinhnâk ah lut dingin i zuam u sih, culoahcun nawl a ngai lomi hna bangin kan tlu ve sual lai.

1 PETER 2:11

Dawtmi hna khual le khualtlawng men nan si caah, thlarau ralchanhtu thisa duhnâk kha ngol dingin kan nawl hna.

MATTHAI 11:29

Ka hngawngkual i banh ulaw, ka sin in cawng u. Lungthin a nêmmi le toidormi ka si. Cuticun nan thlarau nih dinhnâk a hmuh lai.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.

HEBRU 5:9

Tlamtlinter a si hnu ah, a nawl ngaitu vialte caah zungzal khamhnâk hrampi ah a cang.

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

PHUNGTHLÛKBIA 13:4

Mithathu nunnâk nih a duh ngai nain zeihmanh a ngei lo, asinain miteima nunnâk cu rumter a si lai.

HEBRU 4:1

Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai.

HEBRU 12:1

Cuticun kannih zong, hi tlukin a liannganmi hngalhpitu bu nih minmei bangin ankan kulh caah kan thilrit hna le fawi tein a kan foih kho tu sualnâk kha hlonh hna u sih law, kan hmai i tlikzuamnâk a ummi ah inkhawhnâk he tli u sih,

FILIPI 4:1

Cucaah ka dawtmi le ka ngaihtuk hrinhranmi unau, kâ lawmhnâk le ka bawi luchin hna, dawtmi hna, cubantukin Bawipa ah fek tein dir u.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

FILIPI 1:29

Zeitintiah Krih aiawh i rian pêk nan si ah hin, Amah nan zumh lawng si loin Amah ruang i temtuar zong pêkchih nan si,

SALM 119:120

Nangmah ṭih in ka thisa an ther i na biaceihnâk kha ka ṭih hna. AYIN

SALM 2:11

ṭih buin BAWIPA kha rian u law, ther buin i lawm tuah u.

2 KORIN 7:15

Nan dihlak i nawl nan ngaihning le, ṭih le phân bu i amah nan cohlannâk cu a philh lo, an tlaihchan chinchin hna.

1 KORIN 2:3

Thazângder le ṭihphân bu he, ther thluahmah in nan lakah ka um kha.

EFESA 6:5

Sinum hna, Krih bia nan ngaih bantukin, ṭih le phâng bu tein lungthin tak takin,

PHUNGTHLÛKBIA 10:16

Miding rianṭuannâk nih nunnâk a chuahpi i misuaksual hna hlawh cu sual tuahnâk a si.

MATTHAI 11:12

Cun baptisma petu Johan cân in atu tiang vanbawi pennâk nih zângen in tuknâk a ton tawn, cun zângen a hmangmi hna nih hranhrâm loin an lâk tawn.

FILIPI 1:5

nan caah thlacamnâk le nawlnâk kha lunglawm tein ka tuah zungzal.

LAMKALTU 9:6

Khuaruahhar le ther buin, “Bawipa, zei tuah dingindah naka duh?” tiah a hal. Bawipa nih, “Tho law, khua ah va lut, cuticun na tuah ding cu chimh na si lai,” tiah a ti.

FILIPI 2:19

Nan kong ka theih i lungdai tein ka um khawh nâkhnga Timote hi nan sinah kuat zau dingin Bawipa Jesuh ah zumhnâk ka ngei.

1 KORIN 4:14

Hi bia hi nan ning zahter dingah ka ṭialmi an si lo, ka fa dawtmi bangin kan chimhhrinnâk hna tu a si.

FILIPI 4:15

Nannih Filipi mi hna, thawngṭha a phanh ka i Masidonia ram in ka chuah ah khan nanmah dah ti lo cu, kawhhran dang pakhat hmanh nih thilpêk le hmuh kongah anka bawm lo ti kha nan hngalh.

LAMKALTU 16:29

Cuticun meiin rak pu u tiah a ti, a chungah a tli i Paul le Sailas hmaiah ther lengmang in a bawk.

FILIPI 1:6

Nanmah i rianṭha a thawktu nih Jesuh Krih ni tiangin a tlinter ko lai ti kha ka zumh.