FILIPI 2:11 - Laibaibal Thiang (BSI)

¹¹ lei vialte nih Pa Pathian sunparnâk dingah Jesuh Krih cu Bawi a si, tiin an phuan lai.

Lai (Hakha) Common Language Bible 2006

¹¹ Pathian kan Pa sunparnak caah cun lei vialte nih Jesuh cu Bawipa a si, an ti lai.

FILIPI 2:11 Խաչաձեւ Հղումներ

1JOHAN 4:15

Aho pauh Jesuh hi Pathian Fapa a si tiah a ṭanhtu cu, a sinah Pathian a hmun i anih zong Pathian ah a hmun.

ROM 14:11

Zeitintiah hitihin ṭial a si, “Ka nun bangin, khuk vialte ka hmaiah an i bil lai i lei vialte zong Pathian hmai ah an i phuang lai,” tiah Bawipa nih a ti.

JOHAN 13:13

Nannih nih Cawnpiaktu le Bawipa nan ka ti, a ṭha ko, zeitintiah ka si taktak ko.

1JOHAN 4:2

Hitihin Pathian Thlarau cu nan hngalh lai.Thlarau zei pauh Jesuh Krih cu thisa ah â cang tiah a ṭanhtu cu Pathian sin in a si,

ROM 14:9

Zeitintiah Krih a thih i a thawhṭhannâk le a nun chan cu mithi le minung Bawi a si khawh nâkhnga caah a si.

1 KORIN 12:3

Cucaah hihi kan theihter hna Pathian Thlarau in bia an chim tikah Jesuh cu chiatserhmi an ti bal lo, cun Thiang Thlarau dah tilo cun ahohmanh nih Jesuh cu Bawi a si an ti kho lo.

JOHAN 14:13

Cun ka min in nan halmi pauh cu ka tuah lai. Fapa thawngin Pa thangṭhat i a um khawh nâkhnga.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

1 KORIN 8:6

asinain kan caah Pathian pakhat lawnglawng Pa cu a um, Amah sin in zeizong vialte hi a chuak i kan nih zong Amah caah a ummi kan si, cun Bawipa pakhat Jesuh Krih lawnglawng a um, Amah thawngin zeizong vialte a um i Amah thawgin a nungmi kan si.

BIAPHUAN 3:5

A teitu cu puanrang aihter a si lai i Nunnâk cauk chungin amah min kha ka hrawk lai lo, ka Pa hmai le a vanmi hna hmaiah a min kha ka ṭanh lai.

MATTHAI 10:32

Cucaah mi hmaiah aka ṭanhtu cu, van i ka Pa hmaiah ka ṭanh ve lai.

LAMKALTU 10:36

Pathian nih Israel fale hna sinah bia a rak phâkter i daihnâk bia Jesuh Krih hmangin phuan a si-Amah cu mi vialte Bawi a si-

LAMKALTU 2:36

Cucaah Jesuh nan khenhchihmi kha Pathian nih Bawi le Krih ah a canter ti hi Israel miphun vialte nih hngal ko seh,” tiah a ti.

JOHAN 9:22

Cubangin bia an chim cu Judah mi hotu an ṭih ruangah a si. Zeitintiah Judah hotu hna nih, “Amah cu Krih a si” titu pauh cu Sinagog in ṭhawl ding an si tiah biakhiahnâk an rak tuah cang.

JOHAN 5:23

Mi vialte nih Pa an upat lai i Fapa zong an upat nâkhnga. Fapa a upat lomi pauh cu a thlahtu Pa upat lo a si.

SALM 110:1

BAWIPAnd nih ka Bawipa sinah, “Na ral hna na ke lamhchan i ka ser hna hlan pauh cu, ka orhlei ah ṭhu,” tiah a ti.

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.

1 KORIN 15:47

Minung hmaisa bik cu vawlei, leidip i ser a si i pahnihnâk Minung cu vanlei mi Bawipa a si.

ROM 15:9

cucu a vel thawngin Gentel mi hna nih Pathian an thangṭhat khawh nâkhnga caah a si. “Hi ruangah hin Gentel hna sinah na min ka thangṭhat lai i na min in hla ka sa lai” tiah ṭial a si.

JOHAN 20:28

Thomas nih a leh i, “Ka Bawipa le ka Pathian na si,” tiah a ti.

JOHAN 17:1

Cu bia cu Jesuh nih a chim i vanlei zoh in, “Ka Pa, a cân a phân cang. Na Fapa hi thangṭhat ko. Fapa zong nih an thangṭhat khawh nâkhnga.

JOHAN 12:42

Asinain hotu hna lak zongah mitampi nih Amah an zumh. Asinain Farasih hna ruangah Amah an zumhnâk cu an phuang lo. Culoahcun Sinagog in ṭhawl an si lai.

LUKA 2:11

Ni hin ah hin David khua ah nan caah Khamhtu a chuak cang, Bawi Krih cu.

SALM 18:49

Cucaah maw BAWIPA, Gentel mi hna lakah na sinah lomhnâk bia ka chim lai i na min thangṭhat in hla ka sa lai.

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

JOHAN 13:14

Keimah Bawipa le Cawnpiaktu hmanh nih nan ke ka ṭawl ahcun, nannih zong nan ke nan i ṭawl piak awk a si.