FILIPI 1:20 - Laibaibal Thiang (BSI)

²⁰ Hi ka taksa ah hin thihnâk in siseh nunnâk in siseh Krih cu thangṭhat in a um hrimhrim ko lai, zei thil pauh ah mualpho in ka um lai lo ti kha ralṭha in kâ ruahchanmi a si.

Lai (Hakha) Common Language Bible 2006

²⁰ Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.

FILIPI 1:20 Խաչաձեւ Հղումներ

1 PETER 4:16

Mizei pauh Kristian a si ruangah a tuar a si ahcun, ningzak hlah seh, Pathian thangṭhatnâk tu ah hmang deuh seh.

1 KORIN 6:20

A man in cawkmi nan si cang; cucaah Pathian ta a simi nan pum le nan thlarau in Pathian thangṭhat u.

1THESALON 5:23

Atu ah daihnâk Pathian nih a dih um nâkin in thianter hna seh, nan thlarau le nan nunnâk le nan pum cu kan Bawipa Jesuh Krih a rat tikah sawiawk um loin himter si ko seh.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

FILIPI 2:17

Asi, zumhnâk i rian nan ṭuannâk le raithawinâk nan tuahmi i nan din awkah bungh dih ka si hmanh ah nan dih lak sinah kâ nuam in kâ lawm ko lai.

ROM 8:19

Zeitintiah Pathian fale langhter an si lainâk kha sermi thil vialte nih hngahhlang ngai le i ruahchan ngaiin an cuan.

2 KORIN 10:8

Zeitintiah kan nawlngeihnâk, nanmah hrawhnâk si loin, kanmah remhnâk ca i Bawipa nih a kan pekmi hi hmaihngal pi hmanh ninglaw, ka ning a zak lai lo.

2 KORIN 4:10

Jesuh nunnâk hi kan taksaah a langh khawh nâkhnga Jesuh thihnâk zong kan taksa ah kan i put.

1 KORIN 7:34

Va ngei le ngaknuthiang cu an i lo lo. Va ngeilo nih cun a pum le a thlarau cu thianghlim te i a um khawh nâkhnga Bawipa lei cu a ruat tawn, va ngeimi nih cun a va lawmhnâk ding a ruah ruangah vawlei thil kha a ruat tawn.

SALM 119:116

Ka nun khawh nâkhnga na bia ningin ka dirter. Kâ ruahchannâk hi ningzak thilah canter sawh hlah.

ROM 5:5

Cun ruahchannâk nih kan lung a donghter bal lo, zeicatiah kan sinah a kan pêkmi Thiang Thlarau thawngin Pathian dawtnâk cu kan lungthin chungah toih a si cang.

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

ROM 12:1

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

FILIPI 1:14

Bawipa ah unau tamdeuh zong nih cikcin i khih ka si chan hi an hngalh cang, cuticun bia chimnâk ah ṭihnâk um loin an ral tu a ṭha chin chin.

2 KORIN 7:14

Zeitintiah Titas sinah ka hmaihngalnâk nan si zia ka rak chim a si zongah, ka ning a zak lo. Nan sinah thil vialte biatak i kan chim bangin Titas sin zongah kan hmaihngalnâk nan si zia kan chimmi hi biatak a si.

2 KORIN 5:15

cun a nungmi hna cu anmah caah nung ti loin, an aiawh in a thi i a tho ṭhanmi ca i an nun nâkhnga mi vialte aiawh i a thihnâk cu a si.

1 KORIN 15:31

Kan Bawipa Jesuh Krih ah kan hmaihngalpi hna nâk chalh in, “Ni chiarte ka thi tawn” ka ti.

ROM 9:33

Hitihin ṭial a si, “Zohhmanh, Zion ah tluknâk le rilhnâk lungpi ka chiah, amah zummi pauh cu an mualpho lai lo.”

ROM 6:19

Nan thisa zângdernâk ruangah minung phungin ka chim lai. Zeitintiah nan pum ṭengnge hna cu thurhnawmhnâk le nawlbuar nâkin nawlbuar chinnâk sal ah nan rak pêk cang bantukin, atu ah cun nanpum ṭengnge hna kha thianhlimnâk phâkpi dingin dinnâk sal ah pe ve cang u.

ROM 6:13

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

LAMKALTU 21:13

Paul nih, zeiruangahdah nan ṭah i ka lung nan ka hnoter? Zeitintiah Bawipa Jesuh ruangah cun Jerusalem i ṭemchih lawng si loin thih hmanh ka huam ko,” tiah a ti.

LAMKALTU 20:24

Asinain hi thil hna nih hin `ihnâk pakhat te hmanh anka pe lo. Tlik kâ zuamnâk lam zulh i Bawipa Jesuh sinin ka hmuhmi rian Pathian Zângfahnâk Thawng`ha bia theihter hi lunglawm tein ka lîm khawhnâk ding a si ahcun ka nunnâk hmanh hi ka zâng a râm lo.

JOHAN 21:19

Cubiacu zeibantuk thihnâk in dah Pathian a thangṭhat te lai ti hngalhnâk caah a chimmi a si. Cucu a chim dih in a sinah, “Ka zul,” tiah a ti.

PHUNGTHLÛKBIA 23:18

Zeitintiah donghnâk ni a phân te lai i na ruahchanmi cu pakpalawng a si lai lo.

PHUNGTHLÛKBIA 10:28

Miding hngahmi cu lunglawmhnâk a si lai i misuaksual hngahmi tu cu a lotlau dih lai.

SALM 119:80

Ka ning a zah nâkhnga lo, ka lungthin hi na phunglam hna cungah sawi awk umlo si ko seh. KAPH

SALM 62:5

Ka nunnâk, Pathian lawnglawng dai tein hngak ko, zeitintiah kâ ruahchannâk cu amah sin in a si.

SALM 25:2

Maw ka Pathian, nangmah cu kan bochan; ningzak in ka umter hlah; ka ral hna hi ka cungah teinâk ngei hna hlah seh.

LAMKALTU 4:31

Thla an cam dih in an i pumhnâk inn kha â hnin, an dihlak in Thiang Thlarau in an khat i ralṭhatnâk he Pathian bia kha an chim.

2 KORIN 3:12

Cubantuk ruahchannâk kan ngeih caah, ralṭha in bia kan chim ngamnâk hi a si.

2 KORIN 7:4

Nan sinah ralṭha in bia kan chim ngam, kan hmaihngalnâk bik nan si. Hnangamnâk in ka khat. Kan harnâk vialte zongah lunglomhnâk in kan khat tawn.