EFESA 5:3 - Laibaibal Thiang (BSI)

³ Mithiang hna tuah awk ah â tlak bangin nupa sualnâk, thurhnawnhnâk le haukauhnâk hna cu nan lakah a chim hmanh chim hlah u,

Lai (Hakha) Common Language Bible 2006

³ Nannih cu Pathian mi nan si caah nu le pa sualnak le dawhcah loin khuasaknak le hakkauhnak cu a chim hmanh nan chim awk a si lo.

EFESA 5:3 Խաչաձեւ Հղումներ

KOLOSE 3:5

Cucaah nan lei taksa ṭengnge nupa sualnâk, thûrhnawmhnâk, hornâk, duhnâk sual le hakkauhnâk, (cucu milem biaknâk a si)hna kha that hna u.

EFESA 5:5

Zeitintiah nupa sualnâk tuahtu, mithûrhnawm, hakkaumi, hakkauh cu milem biak a si: cubantuk mi hna nih Krih le Pathian Pennâk ah co awk ro zeihmanh an ngei lo ti kha nan hngalh.

1THESALON 4:3

Zeitintiah Pathian duhning i thianghlim te i um cu nupa-sualnâk chungin i thianter hi a si.

1 KORIN 6:18

Nupa sualnâk tuah hi zâmtâk u. Minung tuahmi sualnâk tampi cu pum lenglei ah a si. Nupa sualnâk a tuahtu cu amah pum cungah sualnâk a tuahtu a si.

1THESALON 4:7

Zeitintiah Pathian nih thûrhnawm dingin a kan ko lo, thianghlim te i um dingin a kan kawh.

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

EFESA 5:12

Zeitintiah a thliin an tuahmi thil hna cu chim awk hmanhah ningzah awktlâk an si.

MATTHAI 15:19

Zeitintiah lungthin in ruahnâk ṭha lo, lainawnnâk, ṭângdangkainâk, nu le pa sualnâk, firnâk, lih i sualpuhnâk, thangchiatnâk hna a rak chuak tawn.

BIAPHUAN 2:21

Cun nupa sualnâk a tuahnâk chungin i ngaihchihnâk cân ka pêk nain â ngaihchih lo.

1 KORIN 10:8

Anlakah cheukhat nupa sualnâk ah an tlu i nikhat ah mi 23000 an thih bang khan nupa sualnâk tuah hlah u sih.

BIAPHUAN 22:15

Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

BIAPHUAN 2:14

Asinain tlawmte ralchanhnâk kan ngei, Balaam cawnpiaknâk pomtu cheukhat nan i umpimi kha a si, anih nih Balak kha Israelmi hna hmaiah tlukrilhnâk chiahpiak in nupa sualnâk tuah ding le milem biaknâk sa ei dingin sualnâk lam a cawnpiak hna.

1 KORIN 5:1

Nanlak ah nupa sualnâk kong, Gentel hna lak hmanh ah a um ballo mi thawng kha a thang, mipa pakhat nih apa nupi he an i um.

BIAPHUAN 9:21

Cun lainawn le doih, nupa sualnâk tuah le thil an fir tawnmi zong an i ngaihchih hlei lo.

2 PETER 2:3

Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.

HEBRU 12:16

culoahcun, nupa sualnâk tuah hmangmi le Esau bangin Pathian upat lomi a um sual lai. Anih nih a fater sinâk kha rawl voikhat eiah a zuar.

2 KORIN 12:21

culoahcun ka rat tikah, nan mit hmuh ah ka Pathian nih a ka mualphoh lai i sualnâk an tuah cang na in â ngaihchih lomi, thûrhnawmhnâk le, nupa sualnâk le, a hormi hna ruangah ka ṭap sual lai.

TITAS 2:3

pitar zong cubantuk hmaizah awktlâk in nung hna sehlaw, mi kong ceih a hmang lomi, misurhang rit a hmang lomi, ṭhatnâk cawnpiaktu si hna seh,

2TIMOTE 3:2

Minung cu mah le mah â dawmi, phaisa a dawmi, tluangkhawn a hmangmi, miruamkai, Pathian thangchiattu, nu le pa nawl ngai lo, lawmh a hngal lomi le a tluangtlam lomi,

LAMKALTU 15:20

Milem biaknâk sa ei le, nupa sualnâk tuah le hngawngdih sa ei le sathi ei kha i sûm hna seh, tiah an sinah ca ṭial u sih, tiah ka ruah bik ko,” tiah a ti.

2 PETER 2:14

an mit cu ṭangdang kaiduhnâk in a khat i ngol kho lo i a sualmi, lungthin fek lomi an lâk tawn hna. Hakkauh lungput an i ṭhan pi i chiatserhmi fa le an si.

2 PETER 2:10

Cun taksa duhnâk lawng a zul i a thûrhnawmmi hornâk ah a lut i nawlngeitu hna zei i a rel lomi hna cu, fahnâk pêk buin zuah a thiam chin chin. Annih cu poitinâk ngeilo le lungkhongmi an si. Vanlei mi hna chimchiat hmanh an ṭih lo.

1 PETER 5:2

Nan lak i Pathian tuurun kha kilveng hna u law, zohkhenhtu si ko u, tuahlo khawh lo bangin ruat loin, duhnâk taktak he, duhfah hakkauh ruangah si loin, lungtho te in ṭuan si seh,

TITAS 1:11

cuhna nih chawva ningcang loin an hmuhnâk dingah chim loding tiang anchim i chungkhar ningin an hlenmi zong an um, cuhna cu ankâ huhpiak hrimhrim ding an si.

TITAS 1:7

Zeitintiah kawhhran hotu cu Pathian chawkengtu a si caah, sawi awk um lomi a si hrimhrim awk a si, mahnawl ummi, thinhun fawi, misurhang-duhtukmi, mi velhhmang, chawva ah hâkkaumi an si awk a si lo,

1TIMOTE 3:3

misur hang ding lomi, velhhmang lomi, phaisaduhtuk lomi, nunnemmi, elhnial hmang lomi, duhfâk lomi,

1TIMOTE 2:10

Pathian a ṭanhtu nu hna nih a za tawkin thilṭha tuah in i ṭamh hna seh.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

ROM 16:2

mithiangmi hna cung i an tuah tawn bantukin Bawipa min i nan rak cohlan nâkhnga le bomh a herhnâk pauh ah nan rak bomh awkah nawl kan pêk hna, zeitintiah amah zong hi mi tampi bawmtu tak tak a rak si cang i keimah ca zong ah a si.

ROM 6:13

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

ROM 1:29

Dinlonâk in an khat i nupa sualnâk, suahsualnâk, hakkauhnâk le min chiatter duhnâk in an khat. Hnahchuahnâk, lainawnnâk, i remlonâk, hlennâk, sualnâk lei lawng duhnâk, thlithup biaruah hmannâk,

LAMKALTU 20:33

Aho nan phaisa, sui, thilthuam kan hngar bal hna lo.

LUKA 16:14

Phaisa a duhtukmi farasih hna nih cucu an rak ngai ve i an nih sawh.

PHUNGTHLÛKBIA 28:16

Uktu theihhngalhnâk a baumi cu lamhchihtu a si i hakkauhnâk a huatu cu a nunchung ni sauter a si lai.

SALM 119:36

Na hngalhternâk bia lei ah ka lungthin hi mer law, hakkauhnâk lei ah cun si hlah seh.

SALM 10:3

Zeitintiah misuaksual nih a lungthin duhmi hmanh kha an i porhlawt pi; BAWIPA hlawt in hakkaumi thluachuah an pêk hna.

1TIMOTE 6:10

Zeitintiah phaisa duhtuk hi sualnâk vialte hram a si, cheukhat nih cucu an duh i zumhnâk an kaltak i anmah le anmah ngaihchiatnâk tam piin an i chunh tawn.

LUKA 12:15

“I ral ring u, hakkauhnâk chungin i veng u, minung nunnâk hi tampi a ngeihmi cungah â bunhmi a si lo,” tiah a ti hna.