EFESA 2:2 - Laibaibal Thiang (BSI)

² hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

Lai (Hakha) Common Language Bible 2006

² Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

EFESA 2:2 Խաչաձեւ Հղումներ

EFESA 6:12

Zeitintiah thisa le thisen he kan i pai lo, asinain kan dohmi hna cu bawinâk le, nawlngeihnâk le, hi vawlei khuamui i biaceihtu hna le van hmun i thlarau sual hna khi an si.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.

JOHAN 12:31

Atu ah hi vawlei kong hi ceih lio a si, atu ah hi vawlei bawi hi hlawnh a si lai.

EFESA 5:6

Ahohmanh nih pakpalawng biain in hleng hna hlah seh: cuthil hna ruangah dah kaw zumlotu cungah Pathian thinhunnâk cu a langh tawn.

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

EFESA 4:22

hlan lio nan nunning i minung hlun ziaza, hlen a duhmi kha i phoih u law,

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

1JOHAN 5:4

Zeitintiah Pathian hrinmi pauh nih vawlei hi an tei. Kan zumhnâk hi vawlei a teitu teinâk cu a si.

1JOHAN 3:10

Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.

1 PETER 1:14

nawlngaimi fa bangin, hngalh lo ruang i hlanlio pumsa duhnâk nun hlun ah khan um ti lo in,

BIAPHUAN 20:2

Khuachia le Satan timi hlanlio rulpi kha a tlaih i kum 1000 ca in a ṭêm;

1JOHAN 4:4

Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

1 PETER 4:3

Zeitintiah Gentel mi hna duhnâk tuahnâk dingah, kan rak nunpimi hornâk, taksa duhnâk, zuritnâk, zuhmun i i nomhnâk, zudinṭinâk le fih a nungmi milem biaknâk chung i umnâk caah cuhlan kha za cang seh.

KOLOSE 1:21

Cun nannih sualnâk nan tuah ruang i lungput ah a ral nan si i Amah he ṭhen nan rak si, asinain atu cu Amah he remter`hânmi nan si;

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

1 KORIN 5:10

Asinain hi vawlei i nupa sualnâk tuah a hmangmi, hakkaumi, ningcang loin lak hmangmi, milem biami hna hi komh hna hlah u kan ti hna lo. Culoahcun hi vawlei in kan chuah a herh lai.

LAMKALTU 5:3

Peter nih, “Ananias Thiang Thlarau sin i lih chim ding le na loram man a cheu thup dingin, zeiruangahdah Satan nih na lungthin a khahter?

JOHAN 15:19

Nannih vawlei mi hei si ulaw, vawlei nih cun amah ta a simi cu a dawt ko lai. Vawlei mi nan si lo. Vawlei in kan thimmi hna nan si ruangah vawlei nih an huat hna.

JOHAN 14:30

Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo.

2 PETER 2:14

an mit cu ṭangdang kaiduhnâk in a khat i ngol kho lo i a sualmi, lungthin fek lomi an lâk tawn hna. Hakkauh lungput an i ṭhan pi i chiatserhmi fa le an si.

JOHAN 16:11

biaceihnâk cu hi vawlei bawi hi thiamlo a co cang caah a si.

JOHAN 13:27

Cubangin changreu pel a pêk hnu ah a chungah Satan a lut cawlh. Jesuh nih a sinah, “Na tuah ding cu khulrangin tuah,” tiah a ti.

JOHAN 13:2

Zanriah an ei dih in khuachia nih Simon fapa Judas Iskoriot lungthin ah rawi dingin rian a rak ṭuan cang.

JOHAN 8:23

Anih nih, “Nannih cu tanglei in a chuakmi nan si i kei cu cunglei in a chuakmi ka si. Nannih cu vawlei mi nan sin i kei cu vawlei mi ka si lo.

JOHAN 7:7

Vawlei nih nannih an in hua kho hna lo, an tuahmi Ṭhatlonâk kha ka hngalhter tawn hna caah kei tu cu an ka huat.

MATTHAI 13:38

Lo cu vawlei hi a si. ciṭha cu pennâk fale hi an si. cideu cu misual fale an si.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

JEIM 1:7

Cubantuk minung ruahnâk phir a ngei i a zulhmi lam pauh i a fek lomi nih,

2TIMOTE 4:10

zeitintiah Demas nih atu chan vawlei a dawt caah a ka kaltâk, Thesalon khua ah a kal i Kresen cu Galati ramah a kal i Titas zong Dalmatai ramah a kal.

LAMKALTU 19:35

Cuticun Khualipi Cazi pa nih mizapi cu a daihter hnuah, hitihin a chim, “Efesa khuami hna Diana lianngan biakinn le Zeus sinin a tlami a lem kha Efesa khuami hna hi a kilvengtu nan si kha a hngal lomi an um lo.

LUKA 22:31

Cun Bawipa nih, “Simon, Simon! Satan nih fangkhei bantukin an khei khawh nâkhnga nangmah hi an hal len dah kaw.

LUKA 16:8

Cuticun apu nih a ding lomi chawkengtu remruat thiamning kha a thangṭhat. Vawlei fale hna hi tu chan thil umtuning ah ceunâk fale nâkin an fim deuh, tiah a ti.

MATTHAI 11:19

Mi fapa a ra i a ei, a ding, zohhmanh u, zuram le pawkau pa, ngunkhuai khawltu le misual hna hawikawm nan ti. Asinain fimnâk cu a fale nih thiam an coter ko.

SALM 17:14

Maw BAWIPA, na kut in hi mi hna sinin, vawlei mi hna nunchung ca i covo a ngeimi hna sinin, an paw cu na thuhmi ro in na khahter hna. An fale ah an di a riam i an chawva hna cu an fale an roh tawn hna.

BIAPHUAN 16:17

Cuticun vanmi pasarihnâk nih a hrai cu thli chungah a toih, cun van ṭempal i bawiṭhutdanh in aw thangngai pakhat nih, “Lîm a si cang” tiah a ti.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

MATTHAI 13:22

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

MARKA 4:19

cun vawlei thil kongah, rum duhnâk le, thil dangdang duhnâk kha a rak lut tikah, bia cu theitlai chuah kho loin an dih chih tawn.

EFESA 1:21

bawinâk, nawlngeihnâk, ṭhawnnâk le uknâk vialte, hi vawlei lawnghmanh si loin a um laimi vawlei zongah min bunhmi vialte lakah cungnung bik a si.

EFESA 2:11

Cucaah nannih, taksa in Gentel, taksa kut i cuarpartanmi nih, ‘cuarpartanlomi’ an ti tawnmi hna,

EFESA 2:13

Asinain atu cu Krih Jesuh ah, nannih lam hla pi ah a ummi kha Krih thisen in nai te ah chiah nan si cang.

EFESA 4:17

Cucaah hihi Bawipa ah kan hngalhter hna, santlai lomi ruahnâk ngeitu, Gentel mi bangin um ti hlah u.

EFESA 5:8

Zeitintiah hlanah khuamui nan rak si nain atu cu Bawipa ah khuaceu nan si. Cucaah khuaceu fale bantukin nung u,

JEIM 1:27

Pathian le kan Pa mithmuhah a thiang i a thûrhnawm lomi biaknâk cu ngakṭah le nuhmei an har lio i bomhchanh le hi vawlei thûrhnomhnâk chungin i thianter hi a si.