BIAPHUAN 9:17 - Laibaibal Thiang (BSI)

¹⁷ Cun langhnâk ah rang kha hitihin ka hmuh hna; a cung i â citmi hna nih mei bang a senmi ṭangphaw le a nakmi a duk deuhmi le aihre bang i a engmi an i benh. Rang lu hna cu chiandeih lu bantuk an si i ankâ chungin mei le meikhu le kât an chuak.

Lai (Hakha) Common Language Bible 2006

¹⁷ Cun langhnak ka hmuhmi ah cun rangtum hna le an cung i aa citmi cu ka hmuh hna: an ṭangphaw cu mei bantukin a sen, safaiar lungvar bantukin a dum i kat bantukin a eng. Rangtum cu an lu chiandeih lu bantuk an si i an kaa chungin mei le meikhu le kat kha an chuak.

BIAPHUAN 9:17 Խաչաձեւ Հղումներ

BIAPHUAN 9:18

Cun zawtnâk phunthum ankâ in a chuakmi mei le meikhu le kât hna nih minung cheuthum cheukhat a thah hna.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

BIAPHUAN 14:10

amah hrimhrim zong nih Pathian thinhunnâk misur hang, a thinhunnâk hrai zeihmanh cawh lomi zu hrim hlennâk kha a din lai. Tuufano le vanmi thiang hna hmaiah mei le kat in hrem a si lai.

BIAPHUAN 19:20

Cuticun sahrang cu an tlaih, profet deu a mithmuh ah hmelchunhnâk a rak tuahtu le, khuaruahhar thil a tuah khawh ruangah sahrang hmelchunhnâk ngeitu le a lem a biaktertu hna zong a sinah an tlaih chih ve hna. An pahnih in an nungna in mei le kât in a kangmi tili ah an hlawnh hna.

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.

SALM 11:6

Misuaksual hna cungah meiṭil a surter lai i mei le kât le mei thli hna cu an co hngami hrai a si lai.

BIAPHUAN 11:5

Cun mizei hmanhnih fahnâk pêk an duh tikah ankâ chung in mei a rak chuak i an ral kha a kangh hna. Cubantukin fahnâk pêk a timtu pauh cu hi bangin thah a si lai.

BIAPHUAN 9:9

Cun an ṭangah thir ṭangphaw bantuk an ngei i an thlazah thawng cu rang le ranglêng tampi ral dohnâk i a tlimi thawng bantuk an si.

BIAPHUAN 21:20

panganâk cu sardonyx, paruknâk cu sardius, pasarihnâk cu chrysolite, pariatnâk cu beryl, pakuanâk cu topas, pahranâk cu chrysoprase, hleikhatnâk cu jacinth le hleihnihnâk cu amethyst lungvar an si.