BIAPHUAN 8:3 - Laibaibal Thiang (BSI)

³ Cuticun vanmi dang, rimhmui khanghnâk suikhengkur put in a ra i biakṭheng pawngah a dir. Rimhmui khangh ding tampi kha an pêk, cucu bawithutdan hmai i sui biakṭheng cungah mithiang vialte thlacamnâk he a pêkchanh nâkhnga caah a si,

Lai (Hakha) Common Language Bible 2006

³ A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.

BIAPHUAN 8:3 Խաչաձեւ Հղումներ

BIAPHUAN 5:8

Cazual a lâk tikah thilnung pali le upa kul le li hna cu Tuufano hmaiah an bawk i tingtang le zihmui in a khatmi sui khengkur an i put cio, cu zihmui cu mithiang hna thlacamnâk a si.

BIAPHUAN 8:4

Cun rimhmui khanghmi khu le mithiang hna thlacamnâk cu vanmi hna kut in Pathian hmaiah a kai.

SALM 141:2

Ka thlacamnâk hi na hmaiah rimhmui bangin um seh law, ka kut ka thlirmi hi zanlei raithawinâk bang si ko seh.

LUKA 1:10

Cun rimhmui khanghthawi lio ah mizapi kha lengah thla an rak cam.

BIAPHUAN 9:13

Cuticun vanmi paruknâk nih a hun tum i Pathian hmai i sui biakṭheng ki pali chungin aw ka theih.

HEBRU 9:4

cukaah rimhmui khanghnâk suikheng, biakam kuang a kil kip suiin ṭamhmi a um, biakam kuang chungah mana chiahnâk sui bel le, Âron ṭhiangṭhunh a corhmi le, biakamnâk lungtlap kha a um,

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

ROM 8:34

ahonihdah thiamlo a coter lai? A thimi kha Krih a si, culawng hmanh si loin, a tho ṭhân i Pathian orhlei kamah um in a kan nawlpiaktu cu amah ṭhiamṭhiam kha a si.

BIAPHUAN 7:2

Cuticun vanmi dang Pathian nung chinchiahnâk â putmi chaklei in a rak chuakmi ka hmuh. Anih nih lei le rili hrawhnâk nawl an pêkmi vanmi pali hna sinah awthang ngai in,

BIAPHUAN 6:9

Chinchiahmi panganâk a hun phoih tikah biakṭheng tangah Pathian bia le an hngalh termi kha an i tlaih peng ruangah thahmi thlarau kha ka hmuh hna.

BIAPHUAN 10:1

Khuadawm in â thuammi, a ṭhawng ngaimi vanmi dang van in a run kha ka hmuh ṭhân rih. A lu ah chuncha a zâm i a hmai cu ni bantuk a si. A ke cu meitung bantuk a si.

BIAPHUAN 8:5

Cuticun vanmi nih rimhmui khanghnâk khengkur kha a lak i biakṭheng i meiin a khahter i vulei ah a thlâk. Cun khuari le nimtlau le lihnin thawng kha a hung um.

BIAPHUAN 14:18

Cun vanmi dang mei cungah nawlngeitu kha biakṭheng chungin a rak chuak, a hâr ngaimi fa-ah kengtu sinah aw thang ngaiin, “A hâr ngaimi na fa-ah kha chuah law lei i misur bawr hna khi at hna, zeitintiah misur thei hna khi an hmintuk cang,” tiah a au.