BIAPHUAN 8:12 - Laibaibal Thiang (BSI)

¹² Vanmi palinâk nih a hun tum i ni le thlapa le arfi kha cheuthum cheukhat cio an mui. Chun ah cheuthum cheukhat cu a ceu ti lo. Cubantuk ṭhiamṭhiam in zan zongah a si.

Lai (Hakha) Common Language Bible 2006

¹² Cun vancungmi palinak nih a muko cu a vun tum, nika cu cheu thum ah cheu khat a beuh i thlapa zong cheu thum ah cheu khat a beuh ve, arfi zong cheu thum ah cheu khat an lo fawn. Cucaah cun an ceunak cu cheu thum ah cheu khat a zor i chun ah ṭhen thum ṭhen khat chung a mui i zan zongah ṭhen thum ṭhen khat chung ceunak a um lo.

BIAPHUAN 8:12 Խաչաձեւ Հղումներ

BIAPHUAN 6:12

Chinchiahmi paruknâk a phoih lio kha ka zoh i ngaihmanh fakpi in li â hnin i ni cu sahmul puan bangin a nak i thlapa zong thisen bantuk in a um.

BIAPHUAN 9:18

Cun zawtnâk phunthum ankâ in a chuakmi mei le meikhu le kât hna nih minung cheuthum cheukhat a thah hna.

BIAPHUAN 9:15

Cuticun suimilam cân le ni le thla le kum ca i an rak timhlamhmi vanmi pali hna kha minung cheuthum cheukhat that dingin an chuahter hna.

MARKA 13:24

Asinain cu ni hna le, harnâk cân a dih cun, nika a mui lai i thlapa a ceu ti lai lo.

MATTHAI 24:29

Cubantuk harnâk cân a dih le cângkâ, ni a mui lai i thlapa nih a ceunâk a chuah ti lai lo. Van in arfi kha an tla lai i van ṭhawnnâk cu ai hnin lai.

BIAPHUAN 12:4

A mei in van i arfi cheuthum cheukhat a hnuh hna i vulei ah a thlâk hna. Cun rulpi cu nu nih nau ngeih awk i a timhlio ah, a hrinmi Ngakchia rak ei cawlh dingin a ngan a fakmi nu hmaiah a dir.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

LUKA 21:25

“Cun ni le thla le arfi ah hmelchunhnâk a um lai. Rili le tilet thawngpang ruangah vawlei ah a ruah awk an hngalh lo tiangin harsatnâk le vansannâk a phân lai.

MARKA 15:33

Chun suimilam hleihnih in zanlei suimilam pathum tiang cu ram vialte cu a mui dih.

MATTHAI 27:45

Chun suimilam hleihnih in zanlei pathum tiang khua a mui dih.

LAMKALTU 2:20

Bawipa ni lianngan le ṭih a nungmi a phâk hlan ah, ni muihnâk ah a cang lai i thlapa thisen ah a cang lai.

BIAPHUAN 16:10

Cuticun vanmi panganâk nih a hrai cu sahrang bawiṭhutdanh cungah a toih i a pennâk cu muihnâk in a khat; cun an nganfah tuk ah an lei kha an i seh.