BIAPHUAN 7:17 - Laibaibal Thiang (BSI)

¹⁷ zeitintiah Tuufano bawiṭhutdan laifang i a ummi cu anmah kilvengtu a si lai i nunnâk tikhor ah a hruai hna lai. Anmit i mitthli vialte kha Pathian nih a hnawhpiak hna lai,” tiah a ti.

Lai (Hakha) Common Language Bible 2006

¹⁷ Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

BIAPHUAN 7:17 Խաչաձեւ Հղումներ

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

JOHAN 4:11

Minu nih, “Kapu, tikhor le a thûk, thlainâk le na ngei lo, cu tinnung cu khuazeiindah na hmuh?

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 21:4

Cun an mit i mitthli vialte Pathian nih a hnawhpiak hna lai; thihnâk a um ti lai lo, ngaihchiatnâk le ṭahnâk zong a um ti lai lo. Fahnâk zong a um ti lai lo, zeitintiah thil hmasa hna cu an lo dih cang.

SALM 23:5

Ka ral hna hmaiah rawl naka dangh, ka lu ah chiti na thuh i ka hrai cu a liam in a liam.

BIAPHUAN 21:6

Cun ka sinah, “Lîm a si cang! Keimah cu Alpha le Omega, Hramthawknâk le Donghnâk. Ati a hâlmi kha nunnâk cerhti man lo tein ka pêk hna lai.

JOHAN 10:11

Tuukhal ṭha ka si. Tuukhal ṭha nih a tuu caah a nunnâk a pêk tawn.

JOHAN 10:14

Tuukhal ṭha ka si; ka tuu ka hngalh hna i ka tuu zong nih anka hngalh.

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

MATTHAI 2:6

‘Nang, Bethlehem, Judia ram chungmi, Judia khuapi hna lakah na hmebik naisai lo; zeitintiah na chungin ka mi Israel hna kilvengtu ding Uktu kha a chuak lai,” tiah an ti.

SALM 28:9

Na mi hna hi khamh in na comi ro zong thluachuah pe in cawm hna law, zungzal in kilveng ko hna.

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

1 PETER 5:2

Nan lak i Pathian tuurun kha kilveng hna u law, zohkhenhtu si ko u, tuahlo khawh lo bangin ruat loin, duhnâk taktak he, duhfah hakkauh ruangah si loin, lungtho te in ṭuan si seh,

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

SALM 22:26

Sifâk hna nih an ei lai i an khim lai. Amah kawltu hna nih BAWIPA cu an thangṭhat lai. Nan lungthin kha zungzal in i hlau ko seh.

MATTHAI 5:4

Ngaihchiami cu mithluachuak an si, zeitintiah hnangam tein an um te lai.

JOHAN 4:10

Jesuh nih, “Pathian thilpêk le, dinawk ka pe, tiah an haltu hi hei hngal law cu, nangmah tu nih na hal lai i anih nih tinung an pêk ko hnga,” tiah a ti.

BIAPHUAN 14:4

Cu hna cu nu ah â thurter lomi, a thiangmi an si. Cu hna cu Tuufano kalnâk pauh ah a zultu an si. Cu hna cu Pathian le Tuufano caah theitlai hmasa bik si dingin minung hna chungin tlanhmi an si.

BIAPHUAN 21:22

Asinain a chungah ṭempal ka hmu lo, zeitintiah Zeizongtuahkho Bawipa Pathian le Tuufano cu an ṭempal an si.

BIAPHUAN 21:23

Khualipi nih ceuhtu dingah ni le thla a herh lo, zeitintiah Pathian sunparnâk nih a ceuh dih. Tuufa cu an meiin a si.