BIAPHUAN 7:16 - Laibaibal Thiang (BSI)

¹⁶ Anrawl a ṭam ti lai lo i anti zong a hal ti lai lo, ni nih a linh ti hna lai lo i a sat ti hna lai lo;

Lai (Hakha) Common Language Bible 2006

¹⁶ Annih cu an ti a hal in an rawl a ṭam ti lai lo; ni nih a linh ti hna lai lo i thlanhri puak in zeihmanh nih a umter ti hna lai lo.

BIAPHUAN 7:16 Խաչաձեւ Հղումներ

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

BIAPHUAN 21:4

Cun an mit i mitthli vialte Pathian nih a hnawhpiak hna lai; thihnâk a um ti lai lo, ngaihchiatnâk le ṭahnâk zong a um ti lai lo. Fahnâk zong a um ti lai lo, zeitintiah thil hmasa hna cu an lo dih cang.

MATTHAI 5:6

Dinnâk i rawlṭâm tihalmi cu mithluachuak an si, zeitintiah khim tein an um te lai.

SALM 121:6

Chunah ni nih an linh lai lo, zanah thlapa nih harnâk anpe lai lo.

LUKA 6:21

Nannih atu i a rawl a ṭammi hna, mithluachuak nan si, zeitintiah nan khim te lai. Nan nih atu i a ṭapmi hna, mithluachuak nan si, zeitintiah nan nih te lai.

LUKA 1:53

Rawlṭâmmi kha thilṭha in a khimter hna i mirum kha kut lawngin a kirter hna.

MATTHAI 13:6

Asinain ni a hung tlân tikah uai lak in a emh, hram a bunh lo caah a lo cawlh.

SALM 42:2

Ka nunnâk hi Pathian hâl in, Pathian nung a hâl. Zeitikahdah ka phâk lai i ka Pathian hmai ah kâ langh ve lai?

JEIM 1:11

Ni a rak san i thlilum a hran tikah hramh cu a uai, a par kha an tla i â dawhnâk a lo cawlh. Cubantukin mirum hna cu an lamthluan ah an loral ko lai.

MARKA 4:17

asinain anmah ah hram a ngei lo i cân tawite chung lawng a nguh. A rauh hlanah, bia ruang i harnâk siseh, serhsatnâk siseh a um tikah an tlu ṭhân tawn.

MARKA 4:6

Asinain ni a tlan tikah car lakin a emh, hram a ngeih lo caah a lo tlau.

MATTHAI 13:21

Asinain a chungah hram a thlak lo caah, cân toi te lawng a nguh. Bia ruang i serhsatnâk le hremnâk a phâk tikah a tlu tawn.

SALM 143:6

Ka kut hi na sinah ka thlir tawn, tihâlnâk ram bantukin ka nunnâk nih nangmah an hâl. (Selah)

SALM 63:1

Maw Pathian, nang cu ka Pathian na si; zingkâ teah kan kawl lai; ka nunnâk nih nangmah an hâl, ka thisa nih nangmah an ngai; a rocarmi le tihâlnâk ram ti umlonâk ah ummi ka si.

SALM 121:5

BAWIPA cu nangmah kilvengtu a si, BAWIPA cu na orhlei kut caah thladêm a si.