BIAPHUAN 7:15 - Laibaibal Thiang (BSI)

¹⁵ Cucaah Pathian bawiṭhutdan hmaiah an um cang i chun zan hlan in a ṭempal ah a rian kha an ṭuan. Cun bawiṭhutdanh i a ṭhumi hrimhrim cu an sinah a um peng cang lai;

Lai (Hakha) Common Language Bible 2006

¹⁵ Cucaah cun Pathian bawiṭhutdan hmaiah an dir i chunzan in biakinn chungah a rian kha an ṭuan. Bawiṭhutdan cung i a ṭhumi nih khan a umpi hna i a ven hna.

BIAPHUAN 7:15 Խաչաձեւ Հղումներ

BIAPHUAN 22:3

Cuka ah chiatserhnâk a um ti lai lo, Pathian le Tuufano bawiṭhutdanh kha a um lai, A sinum hna nih Amah cu an renh lai.

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

BIAPHUAN 22:5

Cuka ah zan a um ti lai lo: Ni ceunâk le meiin an herh ti lo, zeitintiah Bawipa Pathian nih a ceuh hna lai. Cun zungzal in zungzal tiang an uk lai.

BIAPHUAN 11:19

Cuticun van ah Pathian ṭempal cu â ong i a ṭempal chungah a biakamkuang kha a lang. Cun nimtlau â lek i thawngpang a thang, khua a ri, li kha â hnin i a ngan ngaimi rial kha an tla.

BIAPHUAN 7:9

Cu thil hna hnu ah ka hun zoh i ngaihmanh mibupi ahohmanh i rel cawk lo, phunkip chung le hrinkip chung le, mikip chung le, holhphun kip chungin a rângmi angkifual in an i thuam, an kut in tûmhnah kha an i ken i bawiṭhutdanh hmai le Tuufano hmaiah an dir kha ka hmuh.

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

HEBRU 8:1

Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

BIAPHUAN 4:9

Thilnung hna nih bawiṭhutdan ah a ṭhu i zungzal i a nungmi sinah sunparnâk le thangṭhatnâk le lawmhnâk bia an chim tikah;

BIAPHUAN 13:6

Cuticun Pathian min le a biakthlâm, van i vanmibu hna le Pathian tiangin a thangchiat cuahmah ko.

BIAPHUAN 21:22

Asinain a chungah ṭempal ka hmu lo, zeitintiah Zeizongtuahkho Bawipa Pathian le Tuufano cu an ṭempal an si.