BIAPHUAN 7:12 - Laibaibal Thiang (BSI)

¹² “Amen! Thluachuahnâk, sunparnâk, fimnâk, lawmhnâk bia, upatnâk, thiltikhawhnâk le ṭhawnnâk kha zungzal in zungzal tiang kan Pathian sinah um ko seh. Amen.” tiah an ti.

Lai (Hakha) Common Language Bible 2006

¹² “Amen! Thangṭhatnak le sunparnak le fimnak le lunglawmhnak le upatnak le ṭhawnnak le thil ti khawhnak cu zungzal in zungzal tiang kan Pathian ta a si! Amen!” an ti.

BIAPHUAN 7:12 Խաչաձեւ Հղումներ

JUDAS 1:25

Amah lawng a fimmi kan Khamhtu Pathian sinah, sunparnâk le biaceihnâk, Uknâk le ṭhawnnâk hna cu Atu le zungzal tiangin um ko seh. Amen.

BIAPHUAN 19:4

Cun upa 24 le thilnung pali hna cu an bawk i, “Amen! Haleluia” ti in bawiṭhutdanh i a ṭhumi Pathian kha an biak.

KOLOSE 3:17

Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

SALM 100:4

Lomhnâk biachimnâk he a kutka ah lut u law, thangṭhatnâk he a biakinn tualrawn ah lut tuah u. A sinah lomhnâk biachim u law, amin kha thangṭhat u.

SALM 147:7

Lawmhnâk hla sa in BAWIPA cu thangṭhat ulaw, kan Pathian thangṭhat in tingtang he hla sa u.

SALM 107:22

Lawmhnâk bia chim raithawinâk pe hna sehlaw, a tuahmi kha lunglawm in phuang hna seh.

SALM 89:52

BAWIPA cu zungzal in thangṭhat in um seh. Amen le Amen.

SALM 72:19

Amin sunglawi cu zungzal in thangṭhat siseh law, lei pumpi zong hi a sunlawinâk in khahter si ko seh. Amen le Amen.

SALM 41:13

Israel hna BAWIPA Pathian cu, zungzal in zungzal tiang thangṭhat in um ko seh. Amen le Amen.

KOLOSE 2:7

Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

2 KORIN 4:15

Zeitintiah thil vialte hi nanmah ṭhatnâk dingah a si, zângfahnâk cu mi tampi sinah a karh chin chin lai i Pathian sunparnâk dingah lawmhnâk biachimnâk zong a tam chinchin ko lai.

SALM 116:17

Lomhnâk biachim raithawinâk na sinah ka pêkchanh lai i BAWIPA min cu ka auh lai.

SALM 106:48

BAWIPA, Israel hna Pathian cu zungzal in zungzal tiang thangṭhat in um ko seh! Mi vialte nih, “Amen” ti hna seh. BAWIPA cu thangṭhat u.

SALM 95:2

Lomhnâk bia chim in a hmaiah kal u sih, thangṭhatnâk hla sa in amah cu lunglawm in thangṭhat u sih.

MATTHAI 6:13

Tukforhnâk chungah kan hruai hlah, sihmanhsehlaw mi ṭhalopa chungin kan khamh. Zeitintiah pennâk le, ṭhawnnâk le sunparnâk kha zungzal in nata an si. Amen.

SALM 50:14

Pathian sinah lawmhnâk biachim thawinâk cu pe law, Cungnung Bik sin i na biakam cu tlinter.

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

ROM 11:36

Amah sin le Amah thawng le Amah caah thil vialte hi an um i Amah sinah sunparnâk cu zungzal in um ko seh. Amen.

1 KORIN 14:16

Culoahcun thlarau in thluachuah pe hmanh law, na chimmi zong a theihthiam lo i theithiamlonâk nih hmunhma a lang peng ko ahcun zeitindah lawmhnâk bia na chimmi ah, ‘Amen’ an pêk khawh lai.