BIAPHUAN 5:9 - Laibaibal Thiang (BSI)

⁹ Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

Lai (Hakha) Common Language Bible 2006

⁹ Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

BIAPHUAN 5:9 Խաչաձեւ Հղումներ

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

MATTHAI 26:28

Zeitintiah hihi ka thisen i biakam thar, mi tampi sual ngaihthiamnâk ca i a chuak hngami cu a si.

SALM 40:3

Kan Pathian thangṭhatnâk hla thar cu ka kâ ah a chiah; mitampi nih cucu hmu in an ṭih lai i BAWIPA cu an i bochan lai.

BIAPHUAN 14:6

Cuticun vanmi dang van i a zuangmi kha ka hmuh, amah cu vawlei i miphun kip le hrinkip le holh phunkip le mikip hna sinah zungzal thawngṭha bia aupitu dingah a zuangmi an si,

1 KORIN 6:20

A man in cawkmi nan si cang; cucaah Pathian ta a simi nan pum le nan thlarau in Pathian thangṭhat u.

BIAPHUAN 5:12

Cuhna nih awthang piin, thah ciami Tuufano cu thiltikhawhnâk, rumnâk, fimnâk, ṭhawnnâk, thangṭhatnâk, sunparnâk le thluachuahnâk kha co awkah â tlâk tiah an ti.

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

MATTHAI 20:28

Mi fapa hmanh hi rianṭuanpiakmi si awk ah a rat ṭung lo, rianṭuan ding le mitampi tlanhnâk caah a nunnâk pêk awkah pei a rat cu, tiah a ti.

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

2 PETER 2:1

Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

KOLOSE 1:14

A thisen thawngin Amah ah tlanhnâk le sual ngaihthiamnâk kan co.

EFESA 1:7

A thisen thawngin Amah ah tlanhnâk le a rummi a zângfahnâk bangin sual ngaihthiamnâk kha kan co,

1JOHAN 2:2

Amah hrimhrim cu kan sualnâk ruangah lungdamternâk a si, kanmah sualnâk lawng si loin vawlei pumpi sualnâk ca zongah a si.

1 KORIN 7:23

Aman in cawkmi nan si cang, cucaah minung sal ah lut ti hlah u.

SALM 149:1

BAWIPA cu thangṭhat u! BAWIPA thangṭhat in hla thar sa ulaw, mithiang hna pumhnâk ah thangṭhat u.

SALM 33:3

A sinah hla thar sa u law, lunglomhnâk aw he thiam ngaiin tum u.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

BIAPHUAN 11:9

Cuticun mikip le phunkip le, holhkip le miphun vialte nih nithum le a cheu chung an ruak kha an zoh lai i thlân i phum zong an siang hna lai lo.

SALM 144:9

Maw Pathian, nangmah thangṭhat in hlathar ka sak lai, tingtang hrihra ngeimi he nangmah thangṭhat in hla ka sa lai.

SALM 98:1

Aw, BAWIPA thangṭhat in hla thar sa u! zeitintiah khuaruah a har ngaimi kha a tuah; a orhlei kut le a thiangmi a bân nih teinâk a co cang.

SALM 96:1

Aw BAWIPA thangṭhat in hla thar sa u law, vulei mi vialte hna, BAWIPA thangṭhat in hla sa u.

HEBRU 11:14

Zeitintiah cubantuk an chimmi nih anmah ca i ram a kawlmi an si kha a langhter.

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

EFESA 5:19

Biazâi le hla in, thlarau lei hla hna he pakhat le pakhat i chawnbia u law, hlasak pah in Bawipa cu nan lungthin ah ring-awn tum piak u.

BIAPHUAN 10:11

Anih nih, “Mibu tampi, miphun tampi, holh tampi le siangpahrang tampi hna kong kha na phuan ṭhân hrimhrim lai,” tiah a ka ti.

BIAPHUAN 13:7

Mithiang hna doh i teinâk tiangin nawlpêk a si. Cun miphun kip le holh phunkip le ramkip cungah nawlngeihnâk zong pêk a si.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 17:15

Cuticun ka sinah, “Hlawhhlangnu ṭhutnâk ti tampi na hmuhmi kha, mizapi, mibu hna le miphun hna le holhphun kip kha an si.