BIAPHUAN 5:6 - Laibaibal Thiang (BSI)

⁶ Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

Lai (Hakha) Common Language Bible 2006

⁶ Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

BIAPHUAN 5:6 Խաչաձեւ Հղումներ

BIAPHUAN 5:12

Cuhna nih awthang piin, thah ciami Tuufano cu thiltikhawhnâk, rumnâk, fimnâk, ṭhawnnâk, thangṭhatnâk, sunparnâk le thluachuahnâk kha co awkah â tlâk tiah an ti.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

JOHAN 1:36

Jesuh â chawleh kha cuan in, “Zohhmanh u! Pathian Tuufa khi,” tiah a ti.

BIAPHUAN 1:4

Kei Johan nih, Asia ram i a ummi kawhhran pasarih hna sinah, a um liomi le a um cangmi le a um laimi sin le bawiṭhutdanh hmai i Thlarau pasarih hna sin le;

LAMKALTU 8:32

A relmi Cathiang cu, “Tuu bangin thah awkah an hruai i Tuufa a hmul mettu hmai i dai tein a um bantukin Anih zong nih a kâ a âng lo.

BIAPHUAN 22:3

Cuka ah chiatserhnâk a um ti lai lo, Pathian le Tuufano bawiṭhutdanh kha a um lai, A sinum hna nih Amah cu an renh lai.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 21:23

Khualipi nih ceuhtu dingah ni le thla a herh lo, zeitintiah Pathian sunparnâk nih a ceuh dih. Tuufa cu an meiin a si.

BIAPHUAN 17:14

Cuhna nih Tuufano kha an doh lai i Tuufano nih a tei hna lai, zeitintiah Amah cu bawi hna Bawi le siangpahrang hna Siangpahrang a si; cun a sinah a ummi hna cu zumhawktlak le thimmi tiah kawh an si lai.

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

BIAPHUAN 6:16

cun tlâng le lungpi hna sinah “Kan nenh u bawiṭhutdan i a ṭhumi le Tuufano thinhunnâk hmaikâ in kan phen tuah uh!

LUKA 1:69

A sal David chungkhar chungin khamhnâk ki a chuahter.

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

BIAPHUAN 5:11

Cuticun ka hun zoh i bawiṭhutdan le thilnung hna le upa hna umnâk velchum ah vanmi tampi aw ka theih, an tamning cu a thong thongin thong tampi an si.

BIAPHUAN 5:13

Cun sermi thil vialte van i a ummi le vawlei i a ummi le vawlei tang i a ummi le rili ah a ummi vialte cuka i a ummi vialte nih, “Bawiṭhutdanh i a ṭhumi le, Tuufano sinah, thluachuahnâk, thangṭhatnâk, sunparnâk le biaceihnâk kha zungzal in zungzal tiang um ko seh,” tiah an chimmi kha ka theih.

BIAPHUAN 5:14

Cuticun thilnung pali hna nih, “Amen” tiah an rak ti. Upa hna zong nih bawh buin zungzal in zungzal tiang a nungmi kha an biak.

BIAPHUAN 14:1

Cun ka hun zoh i Zion tlâng Tuufano a dirmi le a pawng i mi 144000 an cal ah a Pa min ṭialmi kha ka hmuh hna.

BIAPHUAN 21:22

Asinain a chungah ṭempal ka hmu lo, zeitintiah Zeizongtuahkho Bawipa Pathian le Tuufano cu an ṭempal an si.