BIAPHUAN 5:5 - Laibaibal Thiang (BSI)

⁵ Asinain upa lakah pakhat nih ka sinah, “Ṭap hlah, ngaihmanh Chiandeih, Judah phun chungmi David hrampi nih cazual cu ong ding le a chinchiahnâk pasarih kha phoih dingin a tei cang,” tiah a ti.

Lai (Hakha) Common Language Bible 2006

⁵ Cu tikah upa pakhat nih khan a hun ka chawnh i, “Ṭap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.

BIAPHUAN 5:5 Խաչաձեւ Հղումներ

BIAPHUAN 22:16

“Kei Jesuh nih, hi thil hna hi kawhhran hna sin i hngalhter awkah ka vanmi ka thlah. Keimah cu David Tefa le a Hrampi, Deirel Arfi Ceu ka si.

HEBRU 7:14

Zeitintiah kan Bawipa cu Judah phun chungin a chuakmi a si kha a fiang, tlângbawi kong he pehtlai in Moses nih cu miphun chungin zeihmanh a chim lo.

ROM 15:12

Cun Isaiah nih, “Jessi zunghram cu a um lai i Amah cu Gentel mi hna uk dingah a rung chuak lai; Gentelmi hna nih Amah kha an i ruahchan lai,” tiah a chim ṭhân.

ROM 1:3

A Fapa kan Bawipa Jesuh Krih, taksa phungin David ci in a hung chuak,

BIAPHUAN 6:1

Cun Tuufano nih chinchiahnâk Pasarih lakah pakhat a phoih lio ka hmuh, thilnung pali lak i pakhat nih khuari thawng bangin, “Ra law, zoh tuah,” tiah a ti kha ka theih.

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

BIAPHUAN 7:13

Cuticun upa hna lakah pakhat nih ka sinah, “Angki râng in â thuammi hna hi mizeidah an si? Khuazeiindah an rat? tiah a ka hal.

BIAPHUAN 4:10

upa kul le li hna kha bawiṭhutdan hmaiah an bawk i zungzal in a nungmi kha an biak. An bawiluchin kha bawiṭhutdan hmaiah an hlawnh i

BIAPHUAN 1:1

Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

JOHAN 20:13

Annih nih, “Minu, zeicadah na ṭah?” tiah an ti. Anih nih, “Ka Bawipa an kalpi i an chiahnâk hmun le ka hngal lo,” tiah a ti.

LUKA 7:13

Bawipa nih nu cu a hmuh tikah a zângfah ngaingai i, “Ṭaphlah” tiah a ti.

LUKA 23:28

Jesuh nih a merhnawh hna i, “Jerusalem fanu hna, ka ṭah hlah u, nanmah le nan fa le ca tu ah ṭap deuh u.

LUKA 8:52

An dihlak in ngaihchia in an rak ṭap lên, asinain anih nih, “Tap hlah u, a thih ṭung lo, â hngilhmi a si,” tiah a ti.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 5:4

Cazual kha ong i rel awk le, a chunglei zong zoh awk â tlakmi ahohmanh an umlo caah ka ṭap thluah mah.