BIAPHUAN 5:14 - Laibaibal Thiang (BSI)

¹⁴ Cuticun thilnung pali hna nih, “Amen” tiah an rak ti. Upa hna zong nih bawh buin zungzal in zungzal tiang a nungmi kha an biak.

Lai (Hakha) Common Language Bible 2006

¹⁴ Saram nung pali hna nih khan, “Amen,” tiin an rak leh hna i upa hna cu an kun i an biak.

BIAPHUAN 5:14 Խաչաձեւ Հղումներ

BIAPHUAN 19:4

Cun upa 24 le thilnung pali hna cu an bawk i, “Amen! Haleluia” ti in bawiṭhutdanh i a ṭhumi Pathian kha an biak.

BIAPHUAN 5:8

Cazual a lâk tikah thilnung pali le upa kul le li hna cu Tuufano hmaiah an bawk i tingtang le zihmui in a khatmi sui khengkur an i put cio, cu zihmui cu mithiang hna thlacamnâk a si.

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

BIAPHUAN 7:12

“Amen! Thluachuahnâk, sunparnâk, fimnâk, lawmhnâk bia, upatnâk, thiltikhawhnâk le ṭhawnnâk kha zungzal in zungzal tiang kan Pathian sinah um ko seh. Amen.” tiah an ti.

1 KORIN 14:16

Culoahcun thlarau in thluachuah pe hmanh law, na chimmi zong a theihthiam lo i theithiamlonâk nih hmunhma a lang peng ko ahcun zeitindah lawmhnâk bia na chimmi ah, ‘Amen’ an pêk khawh lai.

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

BIAPHUAN 4:6

Bawiṭhutdanh hmai ah rili bantuk a fim ngaimi thlalang Kristal lungvar bantuk a um i bawiṭhutdanh lai fang le bawiṭhutdanh velchum ah thilnung pali an hnu hmai ah mit lawngte i a khatmi kha an um.

BIAPHUAN 5:11

Cuticun ka hun zoh i bawiṭhutdan le thilnung hna le upa hna umnâk velchum ah vanmi tampi aw ka theih, an tamning cu a thong thongin thong tampi an si.