BIAPHUAN 3:17 - Laibaibal Thiang (BSI)

¹⁷ Zeicatiah ka rum ko, chawva ka ngei, zeihmanh ka baulo, na ti, mi sifak, zângfah awktlâk, zeihmanh ngei lo, mitcaw, taklawng i a ummi na si kha nâ hngal lo.

Lai (Hakha) Common Language Bible 2006

¹⁷ Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.

BIAPHUAN 3:17 Խաչաձեւ Հղումներ

PHUNGTHLÛKBIA 13:7

Mirum ah ai ruat nain zeihmanh ngei ṭung lomi an um, cun sifak ngai in â ruat nain a rum ngai ṭungmi an um.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

ROM 7:24

Maw, zângfah awktlâk ka va si dah! Hi thihnâk pumsa chungin ahonihdah a ka khamh khawh lai?

LUKA 1:53

Rawlṭâmmi kha thilṭha in a khimter hna i mirum kha kut lawngin a kirter hna.

MATTHAI 9:12

Jesuh nih a theih tikah, “Ngandammi nih sibawi an herh lo, a zawmi nih an herh deuh.

BIAPHUAN 16:15

Ngaihmanh, mifir bangin ka ra lai, timhcia le ralring tein a ummi cu mithluachuak a si, culoahcun taklawng in a um le a mualpho kha an hmuh sual lai.

ROM 12:3

Zeitintiah Pathian pekmi zângfahnâk ruangah hin, nan lakah ahohmanh nih mah sinâk cungah i santer loin, Pathian nih mikip sinah zumhnâk a pêkning cio in, felfai tein ruat cio hna seh ti ka duh.

2 PETER 1:9

Zeitintiah mizei pauh cubantuk a baumi cu tawite lawng a hmumi mit caw bantuk a si, hlanlio a sualnâk ṭawlpiak a simi hmanh a philh cang.

MATTHAI 5:3

“Thlarau in sifakmi cu mithluachuak an si, zeitintiah vanbawi pennâk cu anmah ta a si.

LUKA 6:24

Sihmanhsehlaw nannih mirum hna, ngaih chia nan va si dah, zeitintiah nan hnangamnâk cu nan hmuh diam cang.

ROM 11:25

Ule nau hna, hi biathli hi nan hngalh lo ka duh lo, culoahcun nanmah le nanmah nan i fimter sual lai: Gentel mi hna tlamtlinnâk a phâk hlan pauh cu Israel mi hna cungah lungpinnâk a um rih.

ROM 11:20

A si ko. An zumh lo ruangah tanmi an si, nang tu cu na zumh ruang i pehmi na si. I porhlaw hlah, a ṭih tu ṭih deuh.

PHUNGTHLÛKBIA 30:9

Culoahcun ka ngeihdih ahcun kan hlawt lai “BAWIPA cu Hodah a si?” kan ti sual lai. Asiloah ka si a fâk lai i thil ka fir sual lai i ka Pathian min ka chiatter sual lai.

BIAPHUAN 3:16

Cuticun sa ṭung lo, kik ṭung lo, a lum menmen nasi caah ka kâ chungin kan châk lai.