BIAPHUAN 3:14 - Laibaibal Thiang (BSI)

¹⁴ “Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

Lai (Hakha) Common Language Bible 2006

¹⁴ “Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

BIAPHUAN 3:14 Խաչաձեւ Հղումներ

KOLOSE 1:15

Amah cu hmuh khawh lomi Pathian muisam sermi thil vialte ah hrin-hmasa bik a si;

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

KOLOSE 1:18

Amah cu taksa pum kawhhran lu, a hramthawknâk a si, zeizong vialte ah cungnungbik a si khawh nâkhnga thihnâk in a tho hmasa bik a si;

2 KORIN 1:20

Zeitintiah Amah ah Pathian biakammi vialte cu Asi ti an si; cun kanmah thawngin Pathian a sunparnâk dingah Amah ah Amen, a um.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

BIAPHUAN 22:13

Kei cu Alpha le Omaga, Hramthawknâk le Donghnâk, Hmasa bik le Hmadung bik ka si.

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

PHUNGTHLÛKBIA 8:22

“BAWIPA nih hram a rak thawk lio ah khan a ka ngeih diam cang, hlanlio pi i rian a ṭuan hlan ah khan.

BIAPHUAN 22:6

Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.

BIAPHUAN 21:6

Cun ka sinah, “Lîm a si cang! Keimah cu Alpha le Omega, Hramthawknâk le Donghnâk. Ati a hâlmi kha nunnâk cerhti man lo tein ka pêk hna lai.

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

BIAPHUAN 2:1

“Efesa kawhhran vancungmi sinah hitihin ṭial, a orhlei kutin arfi parasih â put i sui meiin chiahnâk pasarih lak i â chok lenmi nih hi bia hi a chim,

KOLOSE 4:16

Cubangin hi cakuat hi nan rel dih in Loadisia kawhhran zong relter ve hna u: nannih zong nih Loadisia khua i cakuat kha rak rel ve u.

KOLOSE 2:1

Zeitintiah nanmah le Laodisia khua i a ummi, cun thisa in kamui a tak i a hmu rih lomi hna nih nan ca i ka tha a batning hi nan hngalh ka duh,

PHUNGTHLÛKBIA 14:5

Zumhtlâk hngalhpitu cu lih a chim lai lo, asinain hngalhpitu deu nih lih a ṭawn tawn.

JOHAN 1:3

Zeizong vialte hi Amah in ser a si, sermi vialte hi Amah lo in sermi zeihmanh a um lo.

JOHAN 8:14

Jesuh nih a leh hna i, “Ka kong i hngalhter hmanhning law, ka hngalhtermi bia hi a dikmi a si, zeitintiah khawzei in dah ka rat i khawzeiahdah ka kal lai kha ka hngalh, nannih nih ka chuahnâk le ka kalnâk ding nan hngal lo.