BIAPHUAN 22:6 - Laibaibal Thiang (BSI)

⁶ Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.

Lai (Hakha) Common Language Bible 2006

⁶ Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

BIAPHUAN 22:6 Խաչաձեւ Հղումներ

BIAPHUAN 1:1

Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

BIAPHUAN 21:5

Cuticun bawiṭhutdan i a ṭhumi nih, “Zohhmanh, thil vialte a thar in ka ser dih cang.” Cun ka sinah, “Ṭial tuah,” zeitintiah hi bia hna hi biatak le zumhtlâk an si,” tiah a ti.

BIAPHUAN 19:9

Anih nih ka sinah, “Tuufano nupi ṭhitnâk i sawmmi hna cu mithluachuak an si,” tiah ṭial tuah, a ka ti. Cun ka sinah, “Hi hna hi Pathian chimmi taktak an si,” tiah a ti.

2 PETER 1:21

Chimchung bia hna hi minung duhnâk in a chuakmi an si bal lo. Pathian mithiang hna nih Thiang Thlarau nih a hngalhter hna ningin an chimmi a si.

LAMKALTU 3:18

Pathian nih a profet vialte kâ in a rak chimchung bang khan, Krih nih harnâk a temtuar lai timi cu, hitihin a tlinter cang.

LUKA 1:70

Vawlei thawhka tein a thiangmi a profet hna kâ in a rak chim cang.

BIAPHUAN 18:20

“Maw van, nannih lamkaltu le profet a thiangmi hna, i lawm tuah u, zeitintiah Pathian nih nanmah ai awh in a lehrulh ve cang!” tiin.

2 PETER 3:2

Profet mithiang hna nih an rak chim cangmi le, kannih a lamkaltu hna hmangin Bawipa le khamhtu nawlpêkmi cu nan philh nâkhnga lo ka ṭialmi a si,

HEBRU 12:9

cuhlei ah kan ṭhatnâk dingah minung phungin pa le kan ngei, annih zong kan hmaizah hna. Cuhna nâkin a ngan deuhmi kan nun nâkhnga thlarau lei Pa nawl in kan um lai lo maw?

ROM 1:2

A thiangmi Cathiang ah Profet hna hmangin tuanah a rak kamh cangmi,

BIAPHUAN 22:7

“Ngaihmanh, Kara zau lai! Hi cauk chung i chimchungbia hna zultu cu mithluachuak a si.”

1 KORIN 14:32

Profet hna thlarau cu profet hna nawlin a um tawn.

MATTHAI 13:41

Mi Fapa nih vancungmi kha a thlah hna lai, a pennâk chungin Ṭhatlonâk a tuahtu hna le, nawl buartu vialte an khawmh dih hna lai.

LUKA 16:16

Nawlbia le profet hna kha Johan tiang a si. Cu hnu ah Pathian Pennâk kong hi chim a si. Luh awkah mi nih an fuh len ko.

2 THESALON 1:7

Bawipa Jesuh cu a ṭhawngmi a vanmi hna he van in an langh tikah nannih harnâk tuartermi hna le kan nih hi dinhnâk a kan pêk lai.

1 KORIN 7:29

Cucaah hihi ka ti, unau hna, cân a tlawmcang i atu thawk cun nupi ngei zong ngeilomi bangin an um i

LAMKALTU 12:11

Peter cu a lung a fim i Bawipa nih a vanmi a thlah i Herod kut le Judah mipi hna an i ruahchanmi chungin a ka khamh tiah atu cu ka hngalhfian cang,” tiah a ti.

BIAPHUAN 4:1

Cu thil hna hnuah ka hun zoh i zohhmanh van ah innkâ â hun kha ka hmuh. Cun aw ka rak theih hmasatmi, muko thawng bantuk nih khan ka sinah, “Hika ahhin ra law, hmailei cân i a um lai ding thil kha kan chimh lai,” tiah a ka ti.

BIAPHUAN 21:9

Cuticun vanmi pasarih lak i pakhat hremnâk i a khatmi hrai pasarih â putmi nih a hun ka chawnh i ka sinah, “Ra tuah, Tuufano nupi, a mo cu kan hmuh sak lai,” tiah a ti.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 22:16

“Kei Jesuh nih, hi thil hna hi kawhhran hna sin i hngalhter awkah ka vanmi ka thlah. Keimah cu David Tefa le a Hrampi, Deirel Arfi Ceu ka si.