BIAPHUAN 22:12 - Laibaibal Thiang (BSI)

¹² “Ngaihmanh, Kara zau lai, mikip an tuahmi bangin pêk awk ṭuanman ka kut ah a um.

Lai (Hakha) Common Language Bible 2006

¹² Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

BIAPHUAN 22:12 Խաչաձեւ Հղումներ

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

1 KORIN 3:14

Mizei ṭuanmi zong a cung i sakmi kha a hmunh ahcun, cunih cun ṭuanman a hmuh lai.

1 KORIN 3:8

A bunhtu le ti toihtu cu pumkhat an si, an ṭuanning cio in ṭuanman zong hmu ding an si.

BIAPHUAN 22:7

“Ngaihmanh, Kara zau lai! Hi cauk chung i chimchungbia hna zultu cu mithluachuak a si.”

ROM 14:12

Cuticun kan dih lakin Pathian sinah kanmah kong cio kan chim te lai.

BIAPHUAN 11:18

Miphun hna cu an thin a hung i na thinhunnâk a rak phân ve ai. Mithi hna ca i na biaceihnâk a phâk lioah na sal profet hna le mithiang hna caah ṭuanman na pêk cân a si. Na min a ṭhzahtu milian le mihme hna tiangin vulei hrawktu hna na hrawh hna cân a phân cang,” tiah an ti.

BIAPHUAN 20:12

Cubangin mithi a hme le a ngan Pathian hmaiah an dir kha ka hmuh, cauk kha kau an si. Cun cauk dang, Nunnâk Cauk kha kau a si. Cun mithi hna cu cauk chung i ṭialmi an rak tuahning cio in biaceih an si.

BIAPHUAN 22:20

Hi thil hna hngalh tertu nih, “Tuanah Kara hrimhrim lai.” a ti. Amen. Ra ko cang, Bawipa Jesuh!

SALM 28:4

An tuahmi bangin pe hna law, an suahsualnâk he â tlâkmi le an kut in an tuahmi bangin pe hna, an phu tawk cio in pe hna.

BIAPHUAN 2:23

A fale zong thihnâk in ka thah hna lai, cun kawhhran vialte nih ruahnâk le lungthin zohtu ka si hi an hngalh lai. Nannih zong nan tuahning cio in mikip sinah kan pêk hna lai.

BIAPHUAN 3:11

Ngaihmanh, ka ra zau lai! Na bawiluchin kha ahohmanhnih an in chuh nâkhnga lo, na ngeihcia kha fek tein i tlaih.