BIAPHUAN 21:3 - Laibaibal Thiang (BSI)

³ Vanin a thang ngaimi aw nih, “Zohhmanh, Pathian biakthlâm cu minung sinah a um ai, Anih cu an sinah a um lai, annih cu ami le an si lai. Pathian hrimhrim nih a umpi hna lai i an Pathian a si lai.

Lai (Hakha) Common Language Bible 2006

³ Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

BIAPHUAN 21:3 Խաչաձեւ Հղումներ

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

JOHAN 14:23

Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai.

HEBRU 8:10

Cuhnuah Isarel chungkhar hna sin i biakam ka tuah laimi cu hihi a si, BAWIPA nih a ti. An ruahnâk ah ka nawlbia hna ka chiah lai i an lungthin ah ka ṭial lai. An Pathian ka si lai i annih cu ka mi an si lai.

HEBRU 11:16

Asinain an duhmi cu ram ṭha deuhmi a si i cucu vanram a si. Cucaah Pathian nih an Pathian si a ning a zak lo i an caah khualipi a rak timhtuah piak hna.

BIAPHUAN 7:15

Cucaah Pathian bawiṭhutdan hmaiah an um cang i chun zan hlan in a ṭempal ah a rian kha an ṭuan. Cun bawiṭhutdanh i a ṭhumi hrimhrim cu an sinah a um peng cang lai;

2 KORIN 6:18

“Nan ca Pa ka si lai i ka caah fanu fapa nan si lai, BAWIPA, Zeizongtuahkho nih a ti.

BIAPHUAN 21:7

Teitu nih thil vialte hi an co dih lai, a Pathian ka si lai, amah cu ka fapa a si lai.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

BIAPHUAN 12:10

Cuticun vanah a thang ngaimi au aw ka theih, “Atu kan Pathian khamhnâk le thazâng le a pennâk le a Krih ṭhawnnâk cu a rak phân cang, kan unau hna sual puhtu, kan Pathian sinah chunzan hlan in sual puhtu cu hlonh a si cang ai.

BIAPHUAN 10:8

Cuticun van in aw ka theihmi nih khan a ka chawnh ṭhân i “Rili le vulei lamh in a dirmi vanmi kut i kau ciami cauk fate khi va la,” tiah a ka ti.

BIAPHUAN 10:4

Cubangin khuari pasarih hna nih an aw an chuah lio ah, ṭial ka rak timh, asinain vanin aw pakhat ka theih i, “Khuari pasarih hna chimmi kha chinchiah law ṭial hna hlah,” tiah a ti.

1THESALON 3:11

Cubangin kan Pa le Pathian Amah hrimhrim le kan Bawipa Jesuh Krih nih nanmah lei ah kan hruai ko seh.

HEBRU 8:2

hmunthiang le biakthlâm taktak, minung sakmi si loin, Bawipa sakmi chung i Rianṭuantu kan ngei, timi hi.

BIAPHUAN 22:3

Cuka ah chiatserhnâk a um ti lai lo, Pathian le Tuufano bawiṭhutdanh kha a um lai, A sinum hna nih Amah cu an renh lai.