BIAPHUAN 20:6 - Laibaibal Thiang (BSI)

⁶ Thawhṭhân a voikhatnâk i â telmi hna cu thluachuah an hmu i an thiang. Cu hna cungah cun thih voihnihnâk nih ṭhawnnâk a ngei ti lo, Pathian le Krih tlângbawi an si lai i Amah he kum 1000 an uk lai.

Lai (Hakha) Common Language Bible 2006

⁶ Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

BIAPHUAN 20:6 Խաչաձեւ Հղումներ

BIAPHUAN 1:6

A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.

BIAPHUAN 2:11

Thlarau nih kawhhran hna sinah a chimmi hi hnâ a ngeimi nih thei ko seh. A teitu pauh cu thih voihnihnâk nih fahnâk a pe lai lo,” tiah a ti.

BIAPHUAN 20:14

Cuticun Thihnâk le Mithi khua cu mei tili chungah hlawnh an si. Hihi thih voihnihnâk a si.

BIAPHUAN 5:10

Kan Pathian caah siangpahrang le tlângbawi ah na canter hna. Leicung kha kan uk hna lai,” tiah an ti.

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

2TIMOTE 2:12

Kan tuar ahcun Amah he bia kan ceih lai. Amah kan hlawt ahcun Amah zong nih a kan hlawt ve lai.

ROM 8:17

fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

BIAPHUAN 22:7

“Ngaihmanh, Kara zau lai! Hi cauk chung i chimchungbia hna zultu cu mithluachuak a si.”

BIAPHUAN 14:13

Cuticun vanlei in aw nih, “Hiti hin ṭial tuah, atu thawk in mithi, Bawipa i a thimi hna cu mi vanṭha an si,” “A si” an thabâtnâk cu an dinhtâk cang lai, cun an tuahsernâk tu nih a zulh ve cang hna lai, tiah Thlarau nih a ti.

ROM 12:1

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

LUKA 14:15

Cabuai i rawl adûm pimi hna chungin mi pakhat nih a sinah, “Pathian pennâk chungah rawl a ei khomi hna cu mithluachuak an va si lai dah,” tiah a ti.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 22:5

Cuka ah zan a um ti lai lo: Ni ceunâk le meiin an herh ti lo, zeitintiah Bawipa Pathian nih a ceuh hna lai. Cun zungzal in zungzal tiang an uk lai.