BIAPHUAN 20:2 - Laibaibal Thiang (BSI)

² Khuachia le Satan timi hlanlio rulpi kha a tlaih i kum 1000 ca in a ṭêm;

Lai (Hakha) Common Language Bible 2006

² Rulhreu, limkeng kha a tlaih i kum thong khat a hren — cu limkeng cu Khuachia, asiloah, Satan kha a si.

BIAPHUAN 20:2 Խաչաձեւ Հղումներ

2 PETER 2:4

Zeitintiah sualnâk a tuahtu vancungmi kha Pathian nih a zuah hna lo, hell chungah a thlak hna i biaceih dingah muihnâk cikcin ṭem buin a chiah hna,

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

JUDAS 1:6

Cun vanmi hna, vanmi an sinâk duh loin an umnâk a kaltâkmi hna cu zungzal ṭêmnâk i ṭêm buin biaceihnâk ni lianngan i biaceih awkah muihnâk tangah chiah an si.

JOHAN 12:31

Atu ah hi vawlei kong hi ceih lio a si, atu ah hi vawlei bawi hi hlawnh a si lai.

1 PETER 5:8

Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

ROM 16:20

Cun daihnâk Pathian nih Satan cu nan ke tangah a khuai zau lai. Kan Bawipa Jesuh Krih zângfahnâk cu nan sinah um ko seh. Amen.

JOHAN 16:11

biaceihnâk cu hi vawlei bawi hi thiamlo a co cang caah a si.

BIAPHUAN 13:2

Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 12:17

Cun rulpi cu minu cungah a thin a hung ngaingai a tefa a tangmi, Pathian nawlpêk a zul i Jesuh Krih hngalhternâk bia a ngeitu hna he i doh awkah a pawk.

BIAPHUAN 12:15

Cuticun rulpi nih nu kha a fenh khawh nâkhnga a kâ chungin ti kha tiva nganpi bangin a chuahter.

BIAPHUAN 12:13

Cubangin rulpi nih vawlei ah thlâk a si tiah â hngalh tikah Naupa hringtu nu cu a serhsat.

MARKA 5:7

Aw thangpi in a au, “Jesuh, Pathian Cungnungbik Fapa, kei le nang nih zeidah pehtlainâk kan ngeih? Dân ka tat sawh hlah, tiah Pathian min in kan nawl,” tiah a ti.

MATTHAI 8:29

Hmakhatteah an au colh i, “Jesuh, Pathian Fapa, cân tlin hlanah dân a kan tattu dingah maw na rat?” tiah an ti.

BIAPHUAN 13:4

Sahrang sin i nawlngeihnâk petu rulpi le sahrang kha an biak i, “Sahrang bantuk hi a hodah a um? Ahonihdah an doh khawh lai?” tiah an ti.

BIAPHUAN 9:11

Cun siangpahrang bantuk an ngei i cucu taw a ngei lomi khor vanmi a si, a min cu Hebru in Abaddon ti a si i Grik holh cun, Apollyon ti a si.

MATTHAI 19:29

Ka min ruangah inn, unau, farnu, nu le pa, fale hna le loram a kaltâkmi cu a letza in an hmu ṭhân lai i zungzal nunnâk zong an ngei lai.

MARKA 4:15

Lam kam i vorhmibia cu hihi a si. Bia an theih le cângkâ Satan a ra zau i an lungthin i vorhmi bia kha a lâkpiak tawn hna.

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

BIAPHUAN 12:4

A mei in van i arfi cheuthum cheukhat a hnuh hna i vulei ah a thlâk hna. Cun rulpi cu nu nih nau ngeih awk i a timhlio ah, a hrinmi Ngakchia rak ei cawlh dingin a ngan a fakmi nu hmaiah a dir.

BIAPHUAN 20:7

Cubangin kum 1000 a dih hnu ah Satan kha a thongtlaknâk in chuah a si lai

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.