BIAPHUAN 20:12 - Laibaibal Thiang (BSI)

¹² Cubangin mithi a hme le a ngan Pathian hmaiah an dir kha ka hmuh, cauk kha kau an si. Cun cauk dang, Nunnâk Cauk kha kau a si. Cun mithi hna cu cauk chung i ṭialmi an rak tuahning cio in biaceih an si.

Lai (Hakha) Common Language Bible 2006

¹² Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

BIAPHUAN 20:12 Խաչաձեւ Հղումներ

2 KORIN 5:10

Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

BIAPHUAN 22:12

“Ngaihmanh, Kara zau lai, mikip an tuahmi bangin pêk awk ṭuanman ka kut ah a um.

BIAPHUAN 2:23

A fale zong thihnâk in ka thah hna lai, cun kawhhran vialte nih ruahnâk le lungthin zohtu ka si hi an hngalh lai. Nannih zong nan tuahning cio in mikip sinah kan pêk hna lai.

BIAPHUAN 11:18

Miphun hna cu an thin a hung i na thinhunnâk a rak phân ve ai. Mithi hna ca i na biaceihnâk a phâk lioah na sal profet hna le mithiang hna caah ṭuanman na pêk cân a si. Na min a ṭhzahtu milian le mihme hna tiangin vulei hrawktu hna na hrawh hna cân a phân cang,” tiah an ti.

BIAPHUAN 3:5

A teitu cu puanrang aihter a si lai i Nunnâk cauk chungin amah min kha ka hrawk lai lo, ka Pa hmai le a vanmi hna hmaiah a min kha ka ṭanh lai.

BIAPHUAN 20:13

Rili nih a chung i a ummi mithi kha a chuahter hna, cun Thihnâk le Mithi khua zong nih an chung i mithi kha an chuahter ve hna. Cun mikip an tuahning cio in biaceih an si.

BIAPHUAN 21:27

Asinain cuka ah cun a thurhnawmmi zeihmanh a lut lai lo, fihnungmi thil chuahtertu le lihchimmi zong an lut lai lo, Tuufano Nunnâk Cauk i min ṭialmi lawng an lut lai.

LAMKALTU 24:15

Miding le midinglo thawhṭhannâk a um lai tiah Pathian lei ah kâ ruahchan, hi hna zong nih cucu an zumh ve ko.

SALM 62:12

Maw, BAWIPA vêl zong hi nangmah ta a si; zeitintiah mikip an tuah ningcio in na pêk tawn hna.

SALM 28:4

An tuahmi bangin pe hna law, an suahsualnâk he â tlâkmi le an kut in an tuahmi bangin pe hna, an phu tawk cio in pe hna.

BIAPHUAN 20:11

Cuticun a nganmi bawiṭhutdan râng le a cung i a ṭhumi kha ka hmuh, a hmaikâ in van le vulei an zâm dih. Cun an caah umnâk hmun a um lo.

BIAPHUAN 19:5

Cuticun bawiṭhutdanh in aw a rung chuak i, “Nannih a sal le hna, Amah ṭihzahtu vialte a hme he a ngan he kan Pathian cu thangṭhat u,” tiah a ti.

FILIPI 4:3

Cun nang ka ṭuanpi hawi taktak kan nawl ko, kha nu hna, thawngṭha i ka ṭuanpi mi hna kha bawm hna. Klemen he, ka ṭuanpi hawi, Nunnâk cauk i min an ṭialmi hna he khan.

LUKA 10:20

Asinain thlarau hna nanmah nawl i an um ruangah i lawmhlah u. Van i nan min ṭial a si ruang tu ah i lawm deuh u.

PHUNGTHLÛKBIA 24:12

Ngaihhmanh, “Hihi cu ka hngal lo,” na ti ahcun, lungthin cuai thlaitu nih a ruat hnga lo maw? Na nunnâk kilvengtu nih a hngal lai lo maw? Mi kip tuahning cio in a cham hna lai lo maw?

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

ROM 2:6

Amah nih “Mikip an tuahning cio in a pêk ṭhân te hna lai.”

BIAPHUAN 17:8

Na hmuhmi sahrang a rak um cang i a um ti lomi kha, taw a ngeilo khor in a rak chuak i lohtlaunâk i a kal hngami a si. Cun vawlei i a ummi vawlei serka in Nunnâk Cauk ah min ṭial lomi hna nih sahrang a rak um cang i a um ti lomi kha an hmuh tikah mak an ti lai.

1 KORIN 4:5

Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

PHUNGTHLÛKBIA 24:29

“Ka cungah a tuah bangin a cungah ka tuah ve lai, a ṭuanmi he â tlâkin ka pêk lai,” tiah ti hlah.

SALM 69:28

Nunnâk cauk in hrawh si hna sehlaw, miding hna lakah ṭial si hna hlah seh.

MATTHAI 11:22

Hihi kan chimh hna, biaceih ni ah nan tuarding cu, Tair le Sidon khua tuar ding nâkin a zualhma deuh lai.

BIAPHUAN 20:15

Nunnâk Cauk chung i min ṭial an hmuh lomi vialte cu mei tili ah cun hlawnh an si.