BIAPHUAN 2:24 - Laibaibal Thiang (BSI)

²⁴ “Cubangin nanmah le Thiatira khua i a ummi hna, cu cawnpiaknâk a pomlo i Satan biathûk an timi a hngal lomi hna sinah thilrit dang kan khinh hna lai lo, tiah kan chimh hna;

Lai (Hakha) Common Language Bible 2006

²⁴ Sihmanhsehlaw Thiatira khua i a ummi a dang nih cun hi cawnpiaknak ṭhalo cu nan zul lo i midang nih, “Satan biathli thuk,” an timi cu nan hngal lo. Nannih cungah cun thilrit khinh kan duh hna lo.

BIAPHUAN 2:24 Խաչաձեւ Հղումներ

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

2 KORIN 2:11

culoahcun, Satan nih cânrem laknâk ah a kan hmansual lai; a hlenthawinâk cu kan hngalh ko.

LAMKALTU 15:28

Zeitintiah Thiang Thlarau le kannih nih a biapi mi thil pinlei hna cu thilrit khinh lo dingin kan hna a tla,

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

1 KORIN 2:10

Asinain cucu Pathian nih kan sinah a Thlarau in a kan hngalhter. Thlarau nih cun zeizong vialte a dahhriah dih, asi, a thûkmi Pathian bia zong.

LAMKALTU 16:14

Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

JEIM 3:15

Cubantuk fimnâk cu cung leiin a rami a si lo, vawlei thil, thisa le khuachia in a rami a si.

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

BIAPHUAN 2:18

“Cun Thiatira kawhhran vancungmi sinah hitinhin ṭial, Pathian Fapa; meialh bantuk mit a ngei i dartleumi bantuk kephah a ngeimi nih hi bia hi a chim.