BIAPHUAN 2:2 - Laibaibal Thiang (BSI)

² “Na tuahmi kha ka hngalh hna, nâ zuamning le, na inkhawhnâk le misual nain khawh hna lo kha ka hngalh. Cun lamkaltu an si lo nain lamkaltu ka si â timi hna zong na hneksak hna i lihchimmi an sizia na hngalh cang hna.

Lai (Hakha) Common Language Bible 2006

² Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.

BIAPHUAN 2:2 Խաչաձեւ Հղումներ

1JOHAN 4:1

Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

1THESALON 5:21

Zeizong vialte hniksak u law, a ṭhami kha fek tein tlai u.

BIAPHUAN 3:8

“Na tuahmi kha ka hngalh. Zohhmanh, ahohmanhnih khar khawh lomi inkâ on cia nahmai ah ka chiah, zeitintiah ṭhawnnâk tlawmte lawng na ngei nain ka bia fek tein nâ tlaih i ka min zong na hlaw lo.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

GALATI 1:7

Cucu Thawngṭha a si lo; nanmah buai terin Krih Thawngṭha merh a timmi an si.

SALM 1:6

Zeitintiah BAWIPA nih miding lam kha a hngalh i Pathian-zeiaharellomi lam cu a lotlau lai.

BIAPHUAN 3:1

“Sardis kawhhran vancungmi sinah hitihin ṭial. Pathian Thlarau pasarih le arfi pasarih a ngeitu nih hi bia hi a chim. Na tuahmi kha ka hngalh. A nungmi min nâ put nain na thi.

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

BIAPHUAN 2:6

Asinain na ṭhatnâk cu hihi a si, Nikolas zultu hna nih an tuahmi na huatmi hi cucu kei zong nih ka huatmi a si.

BIAPHUAN 3:15

Na tuahmi kha ka hngalh, kih zong na kik lo, sat zong na sa lo. Na kih siseh na sat siseh ka duh.

MATTHAI 7:23

Khi tikah, ‘Nannih nawlbuartu hna, kan hngal bal hna lo; ka sinin i ṭhen u!’ tiah ka ti te hna lai.

JOHAN 6:6

Cubia cu amah hniksaknâk caah a chimmi a si, zeitintiah a tuah hngami cu Amah nih a hngalh ko.

BIAPHUAN 2:5

Cucaah na tlûktâkmi kha hngal in i ngaihchih law na tuah hmasa bik kha tuah ṭhân, nâ ngaihchih lo ahcun hmakhat teah na sinah ka ra lai i na meiin vannâk kha a umnâk hmun in ka ṭhial lai;