BIAPHUAN 2:18 - Laibaibal Thiang (BSI)

¹⁸ “Cun Thiatira kawhhran vancungmi sinah hitinhin ṭial, Pathian Fapa; meialh bantuk mit a ngei i dartleumi bantuk kephah a ngeimi nih hi bia hi a chim.

Lai (Hakha) Common Language Bible 2006

¹⁸ “Thiatira khua i a ummi Khrihfabu vancungmi sinah hi bangin va ṭial tuah: Hi bia hi Pathian Fapa, a mit mei alh bantukin a alhmi le a ke dar tleu bantukin a tleumi bia a si.

BIAPHUAN 2:18 Խաչաձեւ Հղումներ

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

JOHAN 10:36

Pa nih a thleidanmi le vawlei i a thlahmi nih, ‘Pathian Fapa ka si,’ ka ti rungah, (Pathian) cawhdehtu nanka ti kho lai maw?

JOHAN 5:25

Biataktein biataktein, kan chimh hna, mithi hna nih Pathian Fapa aw an theih cân a phân lai, atu hi a phân ko cang, a theimi pauh an nung lai.

JOHAN 3:18

Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

LUKA 1:35

Vanmi nih a sinah, “Thiang thlarau na sinah a phân lai i Cungnung bik thiltikhawhnâk nih an khuh lai; cucaah a Thiangmi fa a chuak hngami cu Pathian Fapa, ti a si lai.

MATTHAI 27:54

Cuticun ralbawipa le a sin i Ralkap a um vemi hna nih thil umtuning an hmuh tikah an ṭih ngaingai. Hipa hi Pathian Fapa a si hrimhrim ko, tiah an ti.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

BIAPHUAN 2:1

“Efesa kawhhran vancungmi sinah hitihin ṭial, a orhlei kutin arfi parasih â put i sui meiin chiahnâk pasarih lak i â chok lenmi nih hi bia hi a chim,

JOHAN 1:49

Nathanael nih, “Rabbi, Pathian Fapa na si! Israel Siangpahrang na si,” tiah a leh.

LAMKALTU 8:36

Cubangin an kal lioah ti umnâk an phân. Tildih pa nih, “Zoh hmanh, hika ah ti a um. Baptisma ing dingin zeinihdah aka donh?” tiah a ti.

LAMKALTU 16:14

Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

BIAPHUAN 2:24

“Cubangin nanmah le Thiatira khua i a ummi hna, cu cawnpiaknâk a pomlo i Satan biathûk an timi a hngal lomi hna sinah thilrit dang kan khinh hna lai lo, tiah kan chimh hna;