BIAPHUAN 19:1 - Laibaibal Thiang (BSI)

¹ Hithil hna hnu ah hin vanah mitampi aw thawng ka theih, “Haleluia! Khamhnâk le sunparnâk le upatnâk le ṭhawnnâk hna cu Bawipa kan Pathian ta a si!

Lai (Hakha) Common Language Bible 2006

¹ Cu hnuah cun vancung i a ummi mibu nganpi aw thawng bantuk ka theih i, “Pathian cu thangṭhat ko u. Khamhnak le sunparnak le lianhngannak cu kan Pathian ta an si.

BIAPHUAN 19:1 Խաչաձեւ Հղումներ

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

MATTHAI 6:13

Tukforhnâk chungah kan hruai hlah, sihmanhsehlaw mi ṭhalopa chungin kan khamh. Zeitintiah pennâk le, ṭhawnnâk le sunparnâk kha zungzal in nata an si. Amen.

BIAPHUAN 19:6

Cun mibu tampi aw thawng bantuk le, ti tampi aw thawng bantuk le a liannganmi khuari thawng bantuk kha ka theih, “Heleluia! Zeizongtuahkho Bawipa Pathian nih a uk,” tiah an ti.

BIAPHUAN 12:10

Cuticun vanah a thang ngaimi au aw ka theih, “Atu kan Pathian khamhnâk le thazâng le a pennâk le a Krih ṭhawnnâk cu a rak phân cang, kan unau hna sual puhtu, kan Pathian sinah chunzan hlan in sual puhtu cu hlonh a si cang ai.

SALM 148:1

BAWIPA cu thangṭhat u! Van khin BAWIPA cu thangṭhat u law, a sânnâk hna ah BAWIPA cu thangṭhat u.

SALM 150:1

BAWIPA cu thangṭhat u! Pathian cu a hmunthiang ah thangṭhat u, thiltikho a vanrâng ah khin amah cu thangṭhat u.

SALM 146:1

BAWIPA cu thangṭhat u! Maw ka nunnâk, BAWIPA cu thangṭhat!

SALM 115:18

Asinain kannih nih BAWIPA cu atu in zungzal tiangin kan thangṭhat lai. BAWIPA cu thangṭhat u.

SALM 106:1

BAWIPA cu thangṭhat u. Maw BAWIPA sinah lawmhnâk bia chim u, zeitintiah amah cu a ṭha! A vêlngeihnâk cu zungzal in a hmun.

SALM 3:8

Khamhnâk cu BAWIPA ta a si, na thluachuahnâk cu na mi hna cungah a um.

SALM 149:1

BAWIPA cu thangṭhat u! BAWIPA thangṭhat in hla thar sa ulaw, mithiang hna pumhnâk ah thangṭhat u.

SALM 111:1

BAWIPA cu thangṭhat u! Mi dik hna i pumhnâk le civuipi ah ka lungthin vialte in BAWIPA cu ka thangṭhat lai.

SALM 62:11

Pathian nih voikhat a chim i hihi voihnih ka theih; cucu ṭhawnnâk hi Pathian ta a si.

SALM 104:35

Misual hna cu lei in hrawhdih si hna seh, um ti hna hlah seh. Maw ka nunnâk BAWIPA cu thangṭhat! BAWIPA cu thangṭhat u!