BIAPHUAN 17:3 - Laibaibal Thiang (BSI)

³ Cuticun amah nih ramcar ah Thlarau in aka kalpi. Cun lu pasarih le ki pahra a ngei i Pathian thangchiatnâk min lawng tein a khatmi sen-eu sahrang cungah â citmi nu pakhat kha ka hmuh.

Lai (Hakha) Common Language Bible 2006

³ Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.

BIAPHUAN 17:3 Խաչաձեւ Հղումներ

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

BIAPHUAN 17:18

Cun minu na hmuhmi kha khua lianngan, vawlei siangpahrang hna cung i uktu kha a si.

BIAPHUAN 12:6

Minu tu cu ramcar ah Pathian nih a timhlamh piakmi hmun ah a zâm. Cuka ah ni 1260 chung an cawm lai.

BIAPHUAN 17:4

Cu nu cu sen-eu le senduk in â thuam, sui le lungvar le rili lungvar man sung ngaimi in â ṭamh, a kut in fihnung le thurhnawmhnâk in a khatmi horduhcuainâk hrai â put.

BIAPHUAN 12:14

Asinain nu cu amah hmun ramcar i a zuan khawh nâkhnga a nganmi mupi thla pahnih kha an pêk, cu hmun rulpi nih a tongh khawhlonâk hmun ah cân khat le cân hna le cân cânceu chung kha nu cu an cawm lai.

BIAPHUAN 21:10

Cun anih nih a ngan i a sâng ngaimi tlâng ah Thlarau in aka kalpi, Pathian sin in van i a rungṭummi Khualipi lianngan, a thiangmi Jerusalem kha a ka hmuhsak,

2 THESALON 2:4

amah nih Pathian tiah min an bunhmi le biakmi vialte ralchanh in, an cungah â hlawrh lai, Pathian bangtukin Pathian ṭempal ah ṭhu in Pathian bangin â langhter lai.

BIAPHUAN 1:10

Bawipa Ni ah Thlarau in ka um i ka hnulei in muko tumthawng bantuk aw thang ngaimi ka theih,

BIAPHUAN 4:2

Chikkhat te ah Thlarau in ka um, cun zohhmanh, vanah bawiṭhutdanh an chiah i bawiṭhutdanh ah cun Mi pakhat a ṭhu.

LAMKALTU 8:39

Cun ti chungin an chuah tikah Bawipa Thlarau nih Filip cu lodiam a lâk. Tildih pa nih a hmu kho ti lo, asinain lunglawm ngai in a kal.

MATTHAI 27:28

A puan an phoih piak i angki sen an aihter.

BIAPHUAN 18:12

an chaw lehnâk sui le ngun, mansungmi lungvar a phunphun, lahmang `hia le puansen, maimaw puan le puan sekduk, rimhmuimi thing a phunphun le, vuiho in sermi a phun phun le, a sunglawimi thing a phunphun in sermi le sailungvar, thir le dar in sermi hna,

BIAPHUAN 18:16

‘Ala, ala, lungvar a phunphun le sui le ngun, puan hmangṭhia le maimaw puan le puan senduk in â thuammi khualipi kha!