BIAPHUAN 17:17 - Laibaibal Thiang (BSI)

¹⁷ Zeitintiah Pathian bia a tlin hlan tiang, an pennâk kha sahrang sinah pêk dingin, Pathian nih â tinhmi kha tlinter awkah an lungthin ah ruahnâk pakhat a ngeihter hna.

Lai (Hakha) Common Language Bible 2006

¹⁷ Zeicahtiah Pathian nih a chimmi bia kha a tlin hlantiang cu, Pathian nih aa tinhmi tuah duhnak kha an lungthin chungah a chiah i cucaah lungnge tein rian an ṭuan i uknak nawl an ngeihmi kha sahrang cu an pek.

BIAPHUAN 17:17 Խաչաձեւ Հղումներ

BIAPHUAN 10:7

asinain vanmi pasarih hna thawngpâng a um lio cân i tum a hun timh lio ah, a sal profet hna sin i a chimmi Pathian biathli kha a tling dih cang lai.

2 KORIN 8:16

Cuticun nan zawn ka ruahnâk bantuk, Titas thinlung zongah a chiatu Pathian sinah lawmhnâk bia um seh.

JOHAN 13:2

Zanriah an ei dih in khuachia nih Simon fapa Judas Iskoriot lungthin ah rawi dingin rian a rak ṭuan cang.

PHUNGTHLÛKBIA 21:1

Siangpahrang lungthin cu BAWIPA kut ah a um, tiva i ti a luangmi bantukin a duhnâk lei pauh ah a luanter tawn.

BIAPHUAN 17:13

Lungkhat in an um lai i an nawlngeihnâk le ṭhawnnâk cu sahrang kha an pêk lai.

JOHAN 13:18

Nan dihlak kong ka chim lo. Ka thimmi cu ka hngalh. Asinain cathiang nih, “Ka changreu â hrawmmi nih, a kedil ka cungah a chuan, tiah a chimmi tlinnâk ding caah a si.

LUKA 22:22

Mi Fapa hi ruahcia a si bangin a kal hrimhrim ko lai, asinain a rawitu minung cu ngaihchia a va si dah,” tiah a ti.

SALM 105:25

A sal hna cungah depde ngai in tluangkhawng dingah an lungthin kha ami le a huatter hna.

BIAPHUAN 15:1

Cuticun van ah hmelchunhnâk dang a liannganmi le a mak ngai ngaimi ka hmuh: vanmi pasarih hna nih hremhnâk pasarih an i ken, zeitintiah Pathian thinhunnâk kha cu thil hna ah a tling cang.

JOHAN 19:28

Cu hnu ah Jesuh nih thil vialte a tling cang ti kha a hngalh i Cathiang kha a tlin khawh nâkhnga, “Ka ti a hâl,” tiah a ti.

JOHAN 19:24

Cucaah, “Thlek hlah u sih, a ngeitu ding hngalhnâk dingah camcawhfung tu zuk u sih” tiah an i ti: Cathiang nih, “Ka hnipuan an i phaw i ka angki caah camcawhfung an zuh,” tiah a chimmi a tlin nâkhnga caah a si. Cucu Ralkap hna nih an tlinter tak tak.

JOHAN 10:35

Pathian bia a phâknâk hmanh pathian hna ti a si ahcun (cathiang hrawhkhawh a si fawn ṭung lo)

LUKA 22:37

Zeitintiah kan chimh hna, hi ṭialmi bia hi ka cungah a tling hngami a si. ‘Anih cu misual hna lakah relchih a si timi hi. Cu chimchung bia a tlinnâk ding cu keimah hi ka si,” tiah a ti.

LUKA 22:3

Cuticun hleihnih hna chungmi, Judas, Iskariot an timi chungah Satan a lut.

PHUNGTHLÛKBIA 19:21

Minung lungthin nih thiltampi a timhlamh tawn, asinain BAWIPA remruatnâk lawng a hmun lai.

BIAPHUAN 6:11

Cuticun annih cu angkifual a rângmi an pêk cio hna i an sinum hna le an unau hna anmah bantuk i thah ding hna cu an thah dih hna hlan cu hngak rih dingin an chimh hna.

BIAPHUAN 19:9

Anih nih ka sinah, “Tuufano nupi ṭhitnâk i sawmmi hna cu mithluachuak an si,” tiah ṭial tuah, a ka ti. Cun ka sinah, “Hi hna hi Pathian chimmi taktak an si,” tiah a ti.