BIAPHUAN 17:16 - Laibaibal Thiang (BSI)

¹⁶ Cun sahrang cung i na hmuhmi ki pahra hna nih khan hlawhhlang nu kha an huat lai i taklawng le zeihmanhlo ah an canter lai, a sa an ei lai i mei in an khangh lai.

Lai (Hakha) Common Language Bible 2006

¹⁶ Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

BIAPHUAN 17:16 Խաչաձեւ Հղումներ

BIAPHUAN 18:8

Cucaah nikhat chungah amah hremnâk ding thihnâk, zûnngaihnâk le pâmnâk kha a phân lai. Cun a dihumnâk in mei i khangh a si lai, zeitintiah amah biaceihtu Bawipa Pathian cu a ṭhawngmi a si.

BIAPHUAN 18:19

Anlu ah leidip an i phulh i, ngaihchia le ṭahbu in, ‘Ala, ala, khatluk khua lianngan, rili ah tilawngin khual a tlawngmi vialte nih a chawva an i rumpimi kha! Suimilam pakhat ah hrawh cikcek a si ai.’

BIAPHUAN 19:18

siangpahrang sa le ralbawi sa, mi lianngan hna sa le rangtum le a cungah â citmi hna le mi vialte miluat le sal a ngan le a hme he, an sa nan ei khawh hna,” tiah a au.

BIAPHUAN 17:10

Siangpahrang pasarih zong an si. Panga hna cu an tlu cang, pakhat cu a um ko rih, cun pakhat cu a um rih lo. Cun a um tikah, cân tawite lawng a si lai.

BIAPHUAN 16:12

Cuticun vanmi paruknâk nih a hrai cu Zufareiṭes tivapi cungah a toih, cuticun nichuah lei in siangpahrang hna caah lam kha timhlamh a si nâkhnga ti cu an reu dih.

SALM 27:2

Kasa ei awkah keimah ralchanh in misuaksual an rat tikah, ka ral le dohtu an i chuih i an tlu dih.

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;