BIAPHUAN 17:12 - Laibaibal Thiang (BSI)

¹² Ki pahra na hmuhmi kha siangpahrang pahra hna pennâk a ngei rih lomi kha an si, asinain sahrang he nawlngeihnâk suimilam pakhat chung an ngei lai.

Lai (Hakha) Common Language Bible 2006

¹² “Ki pahra na hmuhmi kha siangpahrang pahra, uknak hram aa thawk rih lomi, sihmanhsehlaw sahrang he suimilam pakhat chung uk ṭi dingin nawl pekmi an si.

BIAPHUAN 17:12 Խաչաձեւ Հղումներ

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

BIAPHUAN 13:1

Cuticun rili kam these lakah ka dir i sahrang ki pahra le lu pasarih a ngeimi rili chungin a chuah kha ka hmuh. A ki ah bawi luchin pahra le a lu ah Pathian thangchiatnâk min an um.

BIAPHUAN 17:16

Cun sahrang cung i na hmuhmi ki pahra hna nih khan hlawhhlang nu kha an huat lai i taklawng le zeihmanhlo ah an canter lai, a sa an ei lai i mei in an khangh lai.

BIAPHUAN 18:19

Anlu ah leidip an i phulh i, ngaihchia le ṭahbu in, ‘Ala, ala, khatluk khua lianngan, rili ah tilawngin khual a tlawngmi vialte nih a chawva an i rumpimi kha! Suimilam pakhat ah hrawh cikcek a si ai.’

BIAPHUAN 18:17

Suimilam pakhat chungah kha tluk rumnâk lianngan kha zeihmanhlo ah a cang ai, an ti lai. Tilawng uktu hna le tilawng i khualtlawngmi hna, rili cung i chawlet chawhrawl mi hna nih hlapi ah dir in

BIAPHUAN 18:10

Amah hremnâk cu ṭih in hlapi ah an dir lai i, ‘Ala, ala, a liangngan Babilon khualipi, a ṭhawngmi khualipi kha! Suimilam pakhat chungah na biaceihnâk a phân ai.’

BIAPHUAN 10:11

Anih nih, “Mibu tampi, miphun tampi, holh tampi le siangpahrang tampi hna kong kha na phuan ṭhân hrimhrim lai,” tiah a ka ti.