BIAPHUAN 13:12 - Laibaibal Thiang (BSI)

¹² Sahrang hmasa deuh nawlngeihnâk vialte kha a mithmuh ah a hman hna. Lei le a chung i a ummi vialte cu sahrang hmasa deuh thihpitlâk hliamhma a ngei i a dam ṭhânmi kha a biakter hna.

Lai (Hakha) Common Language Bible 2006

¹² Sahrang pakhatnak nih a ngeihmi nawlngeihnak kaupi kha amah hmai hrimhrim ah cun a hman. Thihpi awk tlak a simi hma a ing i a dam ṭhanmi sahrang pakhatnak kha, nan biak hrimhrim lai tiah vawlei le a cung i a ummi vialte cu a hnek hna.

BIAPHUAN 13:12 Խաչաձեւ Հղումներ

BIAPHUAN 19:20

Cuticun sahrang cu an tlaih, profet deu a mithmuh ah hmelchunhnâk a rak tuahtu le, khuaruahhar thil a tuah khawh ruangah sahrang hmelchunhnâk ngeitu le a lem a biaktertu hna zong a sinah an tlaih chih ve hna. An pahnih in an nungna in mei le kât in a kangmi tili ah an hlawnh hna.

BIAPHUAN 14:11

Cun anmah dântatnâk meikhu cu zungzal in zungzal tiang van leiah a kai lai, sahrang le a lem a biatu hna le a min chinchiahnâk a putu vialte dântatnâk kha chunzan hlan in dinh ti a um lai lo,” tiah a au.

BIAPHUAN 14:9

Cuticun vanmi pathumnâk nih a rak zulh ve i aw thang ngai in, “Mizei pauh nih sahrang le a lem bia in an cal ah siseh an kut ah siseh chinchiahnâk an ngeih ahcun,

2 THESALON 2:4

amah nih Pathian tiah min an bunhmi le biakmi vialte ralchanh in, an cungah â hlawrh lai, Pathian bangtukin Pathian ṭempal ah ṭhu in Pathian bangin â langhter lai.

BIAPHUAN 13:2

Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

BIAPHUAN 16:2

Cuticun a hmaisa bik cu a kal i hrai cu vulei ah a toih; cun fih a nung ngaimi hmachia kha sahrang chinchiahnâk a ngeimi hna le a lem a biami hna cungah a tlung.

BIAPHUAN 17:8

Na hmuhmi sahrang a rak um cang i a um ti lomi kha, taw a ngeilo khor in a rak chuak i lohtlaunâk i a kal hngami a si. Cun vawlei i a ummi vawlei serka in Nunnâk Cauk ah min ṭial lomi hna nih sahrang a rak um cang i a um ti lomi kha an hmuh tikah mak an ti lai.

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.