BIAPHUAN 13:1 - Laibaibal Thiang (BSI)

¹ Cuticun rili kam these lakah ka dir i sahrang ki pahra le lu pasarih a ngeimi rili chungin a chuah kha ka hmuh. A ki ah bawi luchin pahra le a lu ah Pathian thangchiatnâk min an um.

Lai (Hakha) Common Language Bible 2006

¹ Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

BIAPHUAN 13:1 Խաչաձեւ Հղումներ

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

BIAPHUAN 17:3

Cuticun amah nih ramcar ah Thlarau in aka kalpi. Cun lu pasarih le ki pahra a ngei i Pathian thangchiatnâk min lawng tein a khatmi sen-eu sahrang cungah â citmi nu pakhat kha ka hmuh.

BIAPHUAN 11:7

An hngalhternâk bia an chim dih in taw a ngei lomi khor chungin a rak chuakmi sahrang nih a doh hna lai i tei in a thah hna lai.

BIAPHUAN 17:16

Cun sahrang cung i na hmuhmi ki pahra hna nih khan hlawhhlang nu kha an huat lai i taklawng le zeihmanhlo ah an canter lai, a sa an ei lai i mei in an khangh lai.

BIAPHUAN 15:2

Cun tlângbantuk mei he â cawhmi thlalang rili ka hmuh i sahrang le a lem, a chinchhiahnâk le a min nambar hna cung i teinâk a hmumi hna nih thlalang rili cungah dir in Pathian tingtang kha an i put.

BIAPHUAN 17:5

Cun a cal ah hi min hi â ṭial. A LIANNGANMI BABILON, HLAWHHLANG HNA LE VULEI I FIH A NUNGMI HNA NU BIATHLI, tiin.

BIAPHUAN 13:11

Cun sahrang dang vulei chungin a rak chuakmi kha ka hmuh, tuuki bantuk ki pahnih a ngei i rulpi holh in a holh.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 13:15

Sahrang milem kha bia a chim khawh nâkhnga le sahrang milem a bia lomi pauh a thah khawh hna nâkhnga a sinah thawchuahter khawhnâk nawl pêk a si.

BIAPHUAN 16:13

Cun nal profet kâ chung le sahrang kâ chung le rulpi kâ chungin utlak bantuk thlarau thûr pathum an rak chuah kha ka hmuh.

BIAPHUAN 19:19

Cun sahrang, vawlei i siangpahrang hna le an ralkap hna he, rang râng cungah â citmi le a ralkap hna ralchanh le doh awkah an i pumh kha ka hmuh hna.