BIAPHUAN 12:9 - Laibaibal Thiang (BSI)

⁹ Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

Lai (Hakha) Common Language Bible 2006

⁹ Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 12:9 Խաչաձեւ Հղումներ

LUKA 10:18

Anih nih, “Ṭek bantukin Satan van i a tlâk kha ka hmuh dah kaw.

JOHAN 12:31

Atu ah hi vawlei kong hi ceih lio a si, atu ah hi vawlei bawi hi hlawnh a si lai.

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

BIAPHUAN 12:7

Cun vanah ral dohnâk a rak um: Mikhael le a vanmi hna nih Rulpi kha an doh. Rulpi le a vanmi hna zong nih an doh ve hna,

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

BIAPHUAN 20:8

vawlei killi i miphun hna hlen awk ah a kal i Gog le Magog raldoh dingin rili these zat in mi a pumh hna.

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

BIAPHUAN 9:1

Cuticun vanmi panganâk nih a hun tum i van in arfi pakhat leiah a tlâk kha ka hmuh, A sinah taw a ngei lomi khor tawh kha an pêk.

BIAPHUAN 2:24

“Cubangin nanmah le Thiatira khua i a ummi hna, cu cawnpiaknâk a pomlo i Satan biathûk an timi a hngal lomi hna sinah thilrit dang kan khinh hna lai lo, tiah kan chimh hna;

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

1 PETER 5:8

Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

2 KORIN 11:14

Cucu khuaruahhar awk a si lo! Satan hmanh ceunâk vancungmi bantukin â umter khawh ko.

2 KORIN 2:11

culoahcun, Satan nih cânrem laknâk ah a kan hmansual lai; a hlenthawinâk cu kan hngalh ko.

ROM 16:18

Zeitintiah cubantuk mi hna nih kan Bawipa Jesuh Krih rian an ṭuan lo i an paw ca i rianṭuantu an si, cun an dangnal le biachim thiam nâkin santlailo lungthin an hlen tawn hna.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

LUKA 22:31

Cun Bawipa nih, “Simon, Simon! Satan nih fangkhei bantukin an khei khawh nâkhnga nangmah hi an hal len dah kaw.

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

LUKA 22:3

Cuticun hleihnih hna chungmi, Judas, Iskariot an timi chungah Satan a lut.

LUKA 8:12

Lamkam i a tlami cu bia a thei cangmi an si, khamhnâk an co nâk dingah an zumh nâkhnga lo, khuachia cu a ra i an lungthin i a ummi bia kha a lakpiakmi bantuk an si.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 4:10

Jesuh nih, “Satan, lo ko in tli! ‘Zeitintiah BAWIPA na Pathian bia law, Amah rian lawng lawng va ṭuan,’ tiah ṭial a si,” tiah a ti.

MATTHAI 4:8

Khuachia nih a sâng ngaimi tlângcung ah a kalpi ṭhân i hi vulei pennâk le a sunparnâk vialte kha a hmuhsak.

MATTHAI 4:5

Cu hnu ah khuachia nih khawthiang chungah a kalpi, ṭempal zimah a chiah i

MATTHAI 4:1

Cuhnuah Jesuh cu khuachia nih rak tukforh dingin Thlarau nih ramcar ah a hruai.

BIAPHUAN 19:20

Cuticun sahrang cu an tlaih, profet deu a mithmuh ah hmelchunhnâk a rak tuahtu le, khuaruahhar thil a tuah khawh ruangah sahrang hmelchunhnâk ngeitu le a lem a biaktertu hna zong a sinah an tlaih chih ve hna. An pahnih in an nungna in mei le kât in a kangmi tili ah an hlawnh hna.

BIAPHUAN 16:14

Zeitintiah cuhna cu khuachia thlarau, hmelchunhnâk a tuahtu, Zeizongtuahkho Pathian ni lianngan i raldohnâk ah pum dingin vawlei cung siangpahrang hna sin i a kalmi kha an si.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 9:20

Asinain cu zawtnâk nih a thah lomi minung hna nih an kut chuak milem sui milem ngun le dar le thing le lung in an sermi milem zeihmanh a hmu kho lomi, thawng a thei kho lomi, a kal kho lomi milem kha bia ti lo dingin an i ngaihchih hlei lo.

BIAPHUAN 3:9

Ngaihmanh Satan sinagog i â pummi, Judah mi â ti nain a si taktak lomi, lih a chimmi hna kha na kehram ah kan biakter hna lai i zeitlukindah kan dawt hna ti kha ka hngalhter hna lai.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

JUDAS 1:9

A cungnung bik vancungmi Michael hmanh nih, Moses ruak kong i khuachia he bia an i al ah khan, thangchiat lei in sual a puh ngam lo, “Bawipa nih in sî seh,” tiah a ti.

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

2TIMOTE 3:13

Asinain misual le a deu in a nungmi hna cu an sual chin lengmang lai, mi an hlen hna lai i anmah zong hlenin an um ve lai.

1TIMOTE 2:14

Cun Adam kha hlen a si lo, Evi kha hlen a si i nawl buarnâk ah a tlu.

2 THESALON 2:3

Ahohmanh nih zei lei hmanh in in hleng hna hlah seh; tluktâknâk kha a phanh hmasat i misualpa lotlau fapa kha a langh hlanah cun cuni cu a phân lai lo,

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

2 KORIN 12:7

Cun langhnâk kha a sunlawi tuk caah kâ porhlawt sual nâkhnga lo ka taksa ah hling a ka pêk, Satan lamkaltu hna kutthak nehnâk dingah, culoahcun sangtuk ah kâ ruah sual hnga.

ROM 16:20

Cun daihnâk Pathian nih Satan cu nan ke tangah a khuai zau lai. Kan Bawipa Jesuh Krih zângfahnâk cu nan sinah um ko seh. Amen.

LAMKALTU 5:3

Peter nih, “Ananias Thiang Thlarau sin i lih chim ding le na loram man a cheu thup dingin, zeiruangahdah Satan nih na lungthin a khahter?

JOHAN 16:11

biaceihnâk cu hi vawlei bawi hi thiamlo a co cang caah a si.

JOHAN 14:30

Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo.

LUKA 13:16

Hi minu, Abraham fanu chinchap, Satan nih kum hleiriat chung a rak ṭemmi, Sabbath ni zongah phoih awk a si hnga lo maw?” tiah a ti.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

MATTHAI 13:39

Ralchanhtu, cideu a vorhtu cu khuachia a si, Rawlṭuan cu vawlei donghnâk ding kha a si; rawl ṭuntu cu vancungmi an si.

BIAPHUAN 18:2

Cun thiltikhawhnâk he thang ngaiin, “Babilon khua lianngan cu a tlu cang, a tlu cang, khuachia hna umnâk, thlarau thûrhnawmmi khumhnâk, a thûrhnawmmi vate le fih a nungmi umnâk ah â cang ai!

BIAPHUAN 18:23

Na chungah meiin zong van a si ti lai lo, mo ngeitu le mo thawng zong na chungah theih a si ti lai lo. Zeitintiah na chawlettu hna cu vawlei i mi lianngan hna an si i na doihthiamnâk in miphun vialte kha hlen an si.

SALM 109:6

A cungah misuaksual chia law, a orhlei ah sualpuh tu chia.

BIAPHUAN 12:8

asinain an tei hna lo i an caah vanah umnâk hmun zong a um ti lo;

BIAPHUAN 12:12

Cucaah maw, van le a chung i a ummi hna i lawm tuah u! Vulei le rili cungah a ummi hna caah ngaihchia ava si dah! Zeitintiah khuachia nih cân tawite lawng a ngeih kha â hngalh caah, thinhung ngai in nan sinah a rung ṭum.