BIAPHUAN 12:12 - Laibaibal Thiang (BSI)

¹² Cucaah maw, van le a chung i a ummi hna i lawm tuah u! Vulei le rili cungah a ummi hna caah ngaihchia ava si dah! Zeitintiah khuachia nih cân tawite lawng a ngeih kha â hngalh caah, thinhung ngai in nan sinah a rung ṭum.

Lai (Hakha) Common Language Bible 2006

¹² Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

BIAPHUAN 12:12 Խաչաձեւ Հղումներ

BIAPHUAN 8:13

Cun ka hun zoh i mupi van i a zuangmi nih awthang ngaiin lei i a ummi hna caah ngaihchia a si, ngaihchia a si, ngaihchia a si, zeicatiah a tângmi vanmi pathum hna nih muko an tum`hân rih lai caah tiah, a ti kha ka theih.

BIAPHUAN 18:20

“Maw van, nannih lamkaltu le profet a thiangmi hna, i lawm tuah u, zeitintiah Pathian nih nanmah ai awh in a lehrulh ve cang!” tiin.

BIAPHUAN 10:6

cun zungzal in zungzal tiang a nungmi, van le a chung i thil a ummi hna le, vulei le a chung i thil a ummi hna le, rili le a chung i a ummi vialte Sertu chalh in, cucu rauhter a si ti lai lo,

BIAPHUAN 11:10

Vulei i a ummi minung hna cu an i lawm tuk lai i nuamhhnaihnâk kha an tuah lai, lawmhpinâk laksawng kha pakhat le pakhat an i kuat lai, zeicatiah cu profet pahnih hna cu lei i a ummi minung hna harnâk a petu an si caah a si.

BIAPHUAN 9:12

Ngaihchiatnâk pakhatnâk cu a dih cang. Ngaihmanh hi thil hna hnuah ngaihchiatnâk phunhnih a phân rih.

LUKA 15:10

Cubangin kan chimh hna, Pathian vanmi hna hmaiah, misual pakhat ngaihchih nâkah an i lawm tawn.

BIAPHUAN 11:14

Cuticun ngaichiatnâk pahnihnâk cu a dih. Ngaihmanh ngaihchiatnâk pathumnâk kha a rak phân cawlh.

2 PETER 3:8

Asinain dawtmi hna hi thil pakhat hi philhhlah u; Bawipa ruahnâk ahcun ni khat hi kum 1000 bantuk a si i kum 1000 zong nikhat bantuk a si, ti hi.

HEBRU 10:37

Zeitintiah a rauh hlan ah ara dingmi cu ara lai, a rau lai lo.

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

BIAPHUAN 13:6

Cuticun Pathian min le a biakthlâm, van i vanmibu hna le Pathian tiangin a thangchiat cuahmah ko.