BIAPHUAN 12:11 - Laibaibal Thiang (BSI)

¹¹ Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

Lai (Hakha) Common Language Bible 2006

¹¹ Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

BIAPHUAN 12:11 Խաչաձեւ Հղումներ

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

1JOHAN 5:5

Jesuh hi Pathian Fapa a si tiah a zumtu dah ti lo cu ahonihdah vawlei hi an tei bal?

1 KORIN 15:57

Asinain kan Bawipa Jesuh Krih thawngin teinâk a kan petu Pathian sinah lawmhnâk bia um ko seh.

BIAPHUAN 2:26

Cun teitu le a dongh tiang ka rian a pehzulhtu sinah miphun hna cung i ṭhawnnâk ka pêk lai i

ROM 16:20

Cun daihnâk Pathian nih Satan cu nan ke tangah a khuai zau lai. Kan Bawipa Jesuh Krih zângfahnâk cu nan sinah um ko seh. Amen.

LAMKALTU 20:24

Asinain hi thil hna nih hin `ihnâk pakhat te hmanh anka pe lo. Tlik kâ zuamnâk lam zulh i Bawipa Jesuh sinin ka hmuhmi rian Pathian Zângfahnâk Thawng`ha bia theihter hi lunglawm tein ka lîm khawhnâk ding a si ahcun ka nunnâk hmanh hi ka zâng a râm lo.

1JOHAN 4:4

Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

BIAPHUAN 3:5

A teitu cu puanrang aihter a si lai i Nunnâk cauk chungin amah min kha ka hrawk lai lo, ka Pa hmai le a vanmi hna hmaiah a min kha ka ṭanh lai.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 3:12

A teitu hna cu ka Pathian ṭempal tungah ka ser hna lai i cu hmun in a chuak ti lai lo. Amah ah ka Pathian he, ka Pathian khua, Jerusalem thar, ka Pathian sinin van i a rungṭummi min he ka ṭial lai. Cun amah cungah ka min thar ka ṭial lai.

BIAPHUAN 2:7

“Thlarau nih kawhhran hna sinah a chimmi hi hnâ a ngeimi nih thei ko hna seh. Teitu sinah Pathian Paradis laifang i a ummi nunnâk thing ei awkah ka pêk lai,” tiah a ti.

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.

LUKA 14:26

“Ka sinah a rami pauh nih apa le anu le, a nupi le, afa le, a unau le a farnu, asi, amah nun tiang a huat lo ahcun aka zultu a si kho lai lo.

BIAPHUAN 11:7

An hngalhternâk bia an chim dih in taw a ngei lomi khor chungin a rak chuakmi sahrang nih a doh hna lai i tei in a thah hna lai.

BIAPHUAN 1:2

amah nih Pathian bia le Jesuh Krih kong a hmuhmi vialte kha a hngalhter hna.

LAMKALTU 21:13

Paul nih, zeiruangahdah nan ṭah i ka lung nan ka hnoter? Zeitintiah Bawipa Jesuh ruangah cun Jerusalem i ṭemchih lawng si loin thih hmanh ka huam ko,” tiah a ti.

BIAPHUAN 19:10

Cun ake hram in biak ka timh. Asinain ka sinah, “Hitihin tuah hlah! Keimah cu nanmah le nan unau Jesuh hngalhternâk bia cohlangtu nan sal hawi ka si ve ko. Pathian tu bia! Zeitintiah Jesuh hngalhternâk cu chimchungnâk thlarau a si,” tiah a ti.

BIAPHUAN 6:9

Chinchiahmi panganâk a hun phoih tikah biakṭheng tangah Pathian bia le an hngalh termi kha an i tlaih peng ruangah thahmi thlarau kha ka hmuh hna.

BIAPHUAN 2:17

Thlarau nih kawhhran hna sin i a chimmi hi hna a ngeimi nih thei ko seh. A teitu hna cu thuhmi mana cheukhat ei awk ka pêk hna lai. Cun min thar â ṭialnâk lungvar, a cotu dah tilo ahohmanh nih an hngalh lomi kha ka pêk lai,” tiah a ti.

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

BIAPHUAN 12:17

Cun rulpi cu minu cungah a thin a hung ngaingai a tefa a tangmi, Pathian nawlpêk a zul i Jesuh Krih hngalhternâk bia a ngeitu hna he i doh awkah a pawk.