BIAPHUAN 12:1 - Laibaibal Thiang (BSI)

¹ Cubangin van ah hmelchunhnâk nganpi a lang: nu pakhat nî in â thuammi, a ke tangah thlapa a um i alu cungah arfi hleihnih in an ṭamhmi a rak um.

Lai (Hakha) Common Language Bible 2006

¹ Cun van ah khin khuaruahhar a simi hmelchunhnak nganpi pakhat a lang. Minu pakhat a lang i a thuam ah nika a si; thlapa kha a ke in aa lamh i a lu ah arfi hleihnih bawiluchin aa chinh.

BIAPHUAN 12:1 Խաչաձեւ Հղումներ

LUKA 21:25

“Cun ni le thla le arfi ah hmelchunhnâk a um lai. Rili le tilet thawngpang ruangah vawlei ah a ruah awk an hngalh lo tiangin harsatnâk le vansannâk a phân lai.

EFESA 5:32

Hihi a thûk ngaimi biathli pakhat a si, asinain Krih le a kawhhran kong ka chim.

MARKA 13:25

Van in arfi an tla lai i van thiltikhawhnâk cu â hnin lai.

LUKA 21:11

Hmun dang dangah li fakpi in â hnin lai i hmun tampi ah mangṭâm a tlung lai, zawtnâk a phunphun a chuak lai i van in hmelchunhnâk lianngan le ṭih a nungmi an lang thluah mah lai.

SALM 104:2

Hnipuan bangin na ceunâk nih nangmah an khuh, van hna khi puan bangin na samh.

SALM 84:11

Zeitintiah BAWIPA Pathian cu ni le phaw a si. BAWIPA nih vêl le sunparnâk an pêk lai; dik ngai i a ummi hna caah thilṭha zeihmanh siang loin a um lai lo.

BIAPHUAN 21:23

Khualipi nih ceuhtu dingah ni le thla a herh lo, zeitintiah Pathian sunparnâk nih a ceuh dih. Tuufa cu an meiin a si.

BIAPHUAN 15:1

Cuticun van ah hmelchunhnâk dang a liannganmi le a mak ngai ngaimi ka hmuh: vanmi pasarih hna nih hremhnâk pasarih an i ken, zeitintiah Pathian thinhunnâk kha cu thil hna ah a tling cang.

BIAPHUAN 12:3

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

BIAPHUAN 11:19

Cuticun van ah Pathian ṭempal cu â ong i a ṭempal chungah a biakamkuang kha a lang. Cun nimtlau â lek i thawngpang a thang, khua a ri, li kha â hnin i a ngan ngaimi rial kha an tla.

LAMKALTU 2:19

Cunglei vanah khuaruahhar thil le, tanglei vawlei ah hmelchunhnâk kha ka langhter lai; thisen le mei le a zâmmi meikhu hna he:

MATTHAI 24:30

Cucân ah Mi Fapa hmelchunhnâk cu vanah a lang lai i vawlei miphun vialte cu ngaihchia in an hrûm an ai lai. Mi Fapa hi thiltikhawhnâk le a lianngami sunparnâk he vanah khuadawm lak i a rat kha an hmuh lai.

GALATI 6:14

Kan Bawipa Jesuh Krih vailam dah ti lo cu Pathian nih hmaihngal pi a ka sianglo, cu thawng cun vawlei hi ka caah khenhchih a si i kei zong vawlei caah khenh chih ka si ve.

MATTHAI 12:38

Cuhnuah nawlbiacawnpiaktu le Farasih hna nih a sinah, “Cawnpiaktu, na sinin hmelchunhnâk hmuh kan duh ko,” tiah an ti.

BIAPHUAN 21:14

Cubangin khualipi nih hrambunhnâk hleihhnih a ngei, cuka ah Tuufano lamkaltu hleihnih hna min a um.

BIAPHUAN 1:20

Ka orhlei kut i arfi pasarih na hmuhmi hna le sui meiin chiahnâk pasarih hna biathli cu hihi a si: Arfi pasarih hna cu kawhhran pasarih hna i an vancungmi an si. Meiin chiahnâk pasarih hna cu kawhhran pasarih kha an si.

GALATI 3:27

Zeitintiah nan lakah Krih chungah baptisma a ingmi vialte cu Krih in nan i thuam cang.

2 KORIN 11:2

Zeitintiah Pathian hnahchuahnâk in dah kaw kan hnahchuah hna. Krih sinah cun ngaknu thiang bangin kan pêk khawh hna nâkhnga va pakhat kan ham piak hna.

ROM 3:22

cucu Pathian dinnâk, Jesuh Krih zumh ruangah a zummi vialte sin i langhtermi cu a si. Zeitintiah thleidannâk zeihmanh a um lo;

JOHAN 3:29

Mo ngeitu cu a ṭhitmi va a si, asinain mo ngeitu hawi, a bia a rak ngai zungzal tu nih mo ngeitu aw a theih tikah â lawm tawn. Cucaah kei zong kâ lawmhnâk a tling cang.

ROM 13:14

Bawi Jesuh Krih tu in i thuam ulaw, nan pumsa duhnâk tlinter dingin zeihmanh tuah hlah u.

GALATI 4:26

Asinain cunglei Jerusalem tu cu zalongmi a si i cucu kan nih vialte nu a si.