BIAPHUAN 11:2 - Laibaibal Thiang (BSI)

² Asinain ṭempal kulhnâk hnu deuh intual tiang cun tah hlah, zeitintiah cucu Gentel mi hna caah pêk a si cang. Cun annih nih khua thiang kha thla 42 chung an uk lai.

Lai (Hakha) Common Language Bible 2006

² Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

BIAPHUAN 11:2 Խաչաձեւ Հղումներ

BIAPHUAN 12:6

Minu tu cu ramcar ah Pathian nih a timhlamh piakmi hmun ah a zâm. Cuka ah ni 1260 chung an cawm lai.

LUKA 21:24

Vainam in sâm an si lai i miphun kip sinah sal ah hruai an si lai. Jerusalem cu Gentel mi hna caah cân khiahmi a tlin hlan pauh cu Gentel hna lamhchih in a um lai.

BIAPHUAN 11:3

Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

BIAPHUAN 21:2

Cuticun kei Johan nih, a thiangmi khualipi, Jerusalem thar cu, a vâ hmuh awkah dawh ngaiin ṭamhmi mo bantukin Pathian sin in van i a rung ṭum kha ka hmuh.

BIAPHUAN 22:19

cun hi cauk chung i chimchung bia hna lolak i a lami pauh cu hi cauk chungah ṭialmi Nunnâk thing a thiangmi khualipi kha a lâkpiak ve lai.

MATTHAI 27:53

Cuhna cu, a thawhṭan hnuah thlân in an chuak i khua thiang ah an lut i mi tampi sinah an i lang.

MATTHAI 5:13

“Vulei cite nan si; asinain cite hi a alnâk a loh ahcun, zeitindah alter a si khawh ti lai? Hlawnh i lamh ding sawhsawh dah tilo san a tlai ti lo.

MATTHAI 4:5

Cu hnu ah khuachia nih khawthiang chungah a kalpi, ṭempal zimah a chiah i

BIAPHUAN 11:11

Cuticun nithum le a cheu hnu ah, Pathian sinin nunnâk thaw kha an chungah a lut i an dir, a hmutu hna kha ṭihnâk nganpi nih a tlaih hna.

HEBRU 10:29

Pathian Fapa a lamh chih i amah thiantertu biakam thisen a sawhsawh in a ruat i zângfahnâk Thlarau a cawhdehtu cu zeitluk a fakmi hremnâk dah tuar awktlâk ah nan ruah?

SALM 79:1

Maw Pathian ro ca ah na comi ah miphun kip an lut, na ṭempal thiang an thûrter i Jerusalem an chimh dih.

BIAPHUAN 21:10

Cun anih nih a ngan i a sâng ngaimi tlâng ah Thlarau in aka kalpi, Pathian sin in van i a rungṭummi Khualipi lianngan, a thiangmi Jerusalem kha a ka hmuhsak,