BIAPHUAN 11:18 - Laibaibal Thiang (BSI)

¹⁸ Miphun hna cu an thin a hung i na thinhunnâk a rak phân ve ai. Mithi hna ca i na biaceihnâk a phâk lioah na sal profet hna le mithiang hna caah ṭuanman na pêk cân a si. Na min a ṭhzahtu milian le mihme hna tiangin vulei hrawktu hna na hrawh hna cân a phân cang,” tiah an ti.

Lai (Hakha) Common Language Bible 2006

¹⁸ Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 11:18 Խաչաձեւ Հղումներ

BIAPHUAN 20:12

Cubangin mithi a hme le a ngan Pathian hmaiah an dir kha ka hmuh, cauk kha kau an si. Cun cauk dang, Nunnâk Cauk kha kau a si. Cun mithi hna cu cauk chung i ṭialmi an rak tuahning cio in biaceih an si.

BIAPHUAN 19:5

Cuticun bawiṭhutdanh in aw a rung chuak i, “Nannih a sal le hna, Amah ṭihzahtu vialte a hme he a ngan he kan Pathian cu thangṭhat u,” tiah a ti.

BIAPHUAN 13:10

Sal ah a hruaitu pauh cu sal ah an um lai; vainam in mi a thattu cu vainam in thah a si ve lai. Hika ah hin mithinghlim hna inkhawhnâk le zumhnâk a lang.

BIAPHUAN 22:12

“Ngaihmanh, Kara zau lai, mikip an tuahmi bangin pêk awk ṭuanman ka kut ah a um.

SALM 103:11

Zeitintiah van khi vulei cungah a um bangin, amah ṭhzahtu hna cungah a velngeihnâk cu a ngan.

BIAPHUAN 15:7

Cuticun thilnung pali lakah pakhat nih, vanmi pasarih hna sinah, zungzal i a nungmi Pathian thinhunnâk i a khatmi sui hraitung pasarih a pêk.

BIAPHUAN 15:1

Cuticun van ah hmelchunhnâk dang a liannganmi le a mak ngai ngaimi ka hmuh: vanmi pasarih hna nih hremhnâk pasarih an i ken, zeitintiah Pathian thinhunnâk kha cu thil hna ah a tling cang.

BIAPHUAN 14:10

amah hrimhrim zong nih Pathian thinhunnâk misur hang, a thinhunnâk hrai zeihmanh cawh lomi zu hrim hlennâk kha a din lai. Tuufano le vanmi thiang hna hmaiah mei le kat in hrem a si lai.

HEBRU 9:27

Minung caah voi khat thih cu ruah cia a si, cuhnu ah biaceihnâk a um lai,

LUKA 1:50

Amah a ṭihtu kha chankhat hnu chankhat a zângfah hna.

MATTHAI 5:12

I lawm u law, i nuam tak tak ko u, zeitintiah vanah a nganmi nan ṭuanman a um, zeitintiah nanmah hlan i profet hna zong cubantukin an rak serhsat cang hna.

SALM 110:5

BAWIPA cu na orhlei ah a um i a thinhun ni ah siangpahrang kha a thah dih hna lai.

SALM 85:9

A khamhnâk cu amah a ṭihtu hna caah a nai tak tak ko, cun kan ramah sunparnâk a um kho lai.

SALM 2:5

Thinhung in an sinah bia a chim lai i lung silo ngaiin an van a sânter hna lai;

BIAPHUAN 20:15

Nunnâk Cauk chung i min ṭial an hmuh lomi vialte cu mei tili ah cun hlawnh an si.

BIAPHUAN 18:6

Nan cungah a tuah bangin amah cung zongah tuah ve u, a tuahmi kha a lehhnih in lehrul u law, din awk hrai a cawhmi cu a lehhnih in cawhpiak ve u.

BIAPHUAN 11:2

Asinain ṭempal kulhnâk hnu deuh intual tiang cun tah hlah, zeitintiah cucu Gentel mi hna caah pêk a si cang. Cun annih nih khua thiang kha thla 42 chung an uk lai.

SALM 147:11

BAWIPA cu amah ṭhzahtu cungah â lawm, a vêlngeihnâk â ruahchanmi hna cung zongah.

BIAPHUAN 19:15

Cubangin akâ chungin miphun hna a tuknâk ding a hârmi vainam a chuak. Cun thirfung he a uk hna lai. Zeizongtuahkho Pathian thinhunnâk ṭih a nungmi in misur nennâk khor ah a lamhchih hna lai.

BIAPHUAN 10:7

asinain vanmi pasarih hna thawngpâng a um lio cân i tum a hun timh lio ah, a sal profet hna sin i a chimmi Pathian biathli kha a tling dih cang lai.

BIAPHUAN 13:16

Mi vialte a ngan a hme, mi rum, mi sifak, miluat le sal, an orhlei kut ah maw an cal ah maw chinchiahnâk a ngeihter dih hna lai,

BIAPHUAN 19:18

siangpahrang sa le ralbawi sa, mi lianngan hna sa le rangtum le a cungah â citmi hna le mi vialte miluat le sal a ngan le a hme he, an sa nan ei khawh hna,” tiah a au.