BIAPHUAN 11:17 - Laibaibal Thiang (BSI)

¹⁷ “Maw Bawipa Zeizongtuahkho Pathian, A um liomi le A um cangmi le A um laimi na si. A liannganmi na ṭhawnnâk i bia na ceih caah lawmhnâk bia kan in chimh.

Lai (Hakha) Common Language Bible 2006

¹⁷ “A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 11:17 Խաչաձեւ Հղումներ

BIAPHUAN 1:8

“Kei Alpha le Omega, Hramthawknâk le Donghnâk, a um liomi le a um cangmi le a um laimi Zeizongtuahkho ka si,” tiah Bawipa nih a ti.

BIAPHUAN 16:5

Cun ti vancungmi nih hitihin a chim kha ka theih: “Maw Bawipa, Nang cu miding na si, hibantuk in bia na ceih caah a um liomi le a um cangmi le a um laimi cu na si.

BIAPHUAN 19:6

Cun mibu tampi aw thawng bantuk le, ti tampi aw thawng bantuk le a liannganmi khuari thawng bantuk kha ka theih, “Heleluia! Zeizongtuahkho Bawipa Pathian nih a uk,” tiah an ti.

BIAPHUAN 1:4

Kei Johan nih, Asia ram i a ummi kawhhran pasarih hna sinah, a um liomi le a um cangmi le a um laimi sin le bawiṭhutdanh hmai i Thlarau pasarih hna sin le;

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 16:7

Cun biakṭheng in midang nih, “Zeizongtuahkho Bawipa Pathian, Na biaceihmi cu a dik i a dingmi a si,” tiah a ti kha ka theih.

SALM 21:13

Maw BAWIPA, na ṭhawnnâk ah cawisân in um ko. Na thiltikhawhnâk cu thangṭhat in hla kan sa lai.

BIAPHUAN 16:14

Zeitintiah cuhna cu khuachia thlarau, hmelchunhnâk a tuahtu, Zeizongtuahkho Pathian ni lianngan i raldohnâk ah pum dingin vawlei cung siangpahrang hna sin i a kalmi kha an si.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

1TIMOTE 1:12

Hi rian ṭuan kho i a ka sertu le zumhtlâk i a ka ruattu Krih Jesuh kan Bawipa sinah lawmhnâk bia ka chim.

LUKA 10:21

Cu cân ah Jesuh cu Thlarau ah â lawm tuk i, “Ka Pa, lei le van Bawipa, na cungah kâ lawm. Nang nih mifim le mithiam hna sinah hi thil hi na thuh i ngakchia sem sintu ah na phuan. Asi, Ka Pa, cubantuk thil cu na mithmuh ah a ṭha.

MATTHAI 11:25

Cu cân ah Jesuh nih, “Maw, ka Pa, lei le van Bawipa, Nangmah nih mifim le mithiam hna lakah hi bia hi na thuh i ngakchia sem sin tu ah na phuan caah lawmhnâk bia kan chimh.

SALM 57:11

Maw Pathian, nangmah cu van hna cungah khin hlawrh in um law, na sunparnâk cu lei pumpi ah um ko seh.

2 KORIN 9:15

Chimkhawhlomi a thilpêk ruangah Pathian sinah lawmhnâk bia um ko seh.

2 KORIN 2:14

Cuticun Krih i teinâk chungah a ka hruaitu Pathian sinah lawmhnâk bia ka chim; kanmah hmangin Amah hngalhnâk rimhmui cu ka kipah â chawk.

JOHAN 11:41

Cuticun mithi an chiahnâk hmun i lung cu an lak i Jesuh cu vanlei zoh in, “Ka Pa, ka bia na ngaih ruangah na cungah kâ lawm.

BIAPHUAN 18:8

Cucaah nikhat chungah amah hremnâk ding thihnâk, zûnngaihnâk le pâmnâk kha a phân lai. Cun a dihumnâk in mei i khangh a si lai, zeitintiah amah biaceihtu Bawipa Pathian cu a ṭhawngmi a si.