BIAPHUAN 11:10 - Laibaibal Thiang (BSI)

¹⁰ Vulei i a ummi minung hna cu an i lawm tuk lai i nuamhhnaihnâk kha an tuah lai, lawmhpinâk laksawng kha pakhat le pakhat an i kuat lai, zeicatiah cu profet pahnih hna cu lei i a ummi minung hna harnâk a petu an si caah a si.

Lai (Hakha) Common Language Bible 2006

¹⁰ Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIAPHUAN 11:10 Խաչաձեւ Հղումներ

BIAPHUAN 3:10

Zeicatiah lungsau in ka nawlpêk nâ tlaih caah, lei minung hna hneksak dingin vawlei dihlak i a phân hngami teminnâk chungin kei zong nih kan luatter ve lai.

LAMKALTU 5:33

Cucu an theih tikah an thin a khenh hna i thahnâk ding khua an khâng.

JOHAN 7:7

Vawlei nih nannih an in hua kho hna lo, an tuahmi Ṭhatlonâk kha ka hngalhter tawn hna caah kei tu cu an ka huat.

MATTHAI 10:22

Ka min ruangah mi vialte huat nan tong lai. Asinain a donghtiang a hmunmi cu khamh an si lai.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

1 KORIN 13:6

dinlonâk ah â lawm lo i biatak tu a lomhpi;

JOHAN 16:20

Biataktein, biataktein, kan chimh hna, nannih ngaihchia in nan ṭap lai, vawlei tu cu â nuam lai, nannih nan ngaih a chia lai, asinain nan ngaihchiatnâk cu lunglomhnâk ah a cang lai.

PHUNGTHLÛKBIA 24:17

Na ral a tluk tikah i lawm hlah, â chuihbah lio ah na lungthin rak i nuam hlah seh.

SALM 89:42

A ral hna kut na ṭhawnter hna i a ral vialte kha an lung na thawhter.

SALM 13:4

Culoahcun ka ral nih, “Amah ka ngamh cang,” a ti lai; culoahcun kâ hninh tikah aka buaitertu an i lawm sual lai.

BIAPHUAN 16:10

Cuticun vanmi panganâk nih a hrai cu sahrang bawiṭhutdanh cungah a toih i a pennâk cu muihnâk in a khat; cun an nganfah tuk ah an lei kha an i seh.

BIAPHUAN 12:13

Cubangin rulpi nih vawlei ah thlâk a si tiah â hngalh tikah Naupa hringtu nu cu a serhsat.

SALM 35:19

Dik lo ngaiin ka ral hna nih nihchuak ah ka saih hna hlah seh, a chan um loin aka huatu hna nih ka met hna hlah seh.