BIAPHUAN 1:5 - Laibaibal Thiang (BSI)

⁵ Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

Lai (Hakha) Common Language Bible 2006

⁵ Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 1:5 Խաչաձեւ Հղումներ

SALM 89:27

Kei zong nih amah cu fater ah ka ser lai i lei i siangpahrang hna lakah a sangbik ah ka ser lai.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

BIAPHUAN 17:14

Cuhna nih Tuufano kha an doh lai i Tuufano nih a tei hna lai, zeitintiah Amah cu bawi hna Bawi le siangpahrang hna Siangpahrang a si; cun a sinah a ummi hna cu zumhawktlak le thimmi tiah kawh an si lai.

KOLOSE 1:18

Amah cu taksa pum kawhhran lu, a hramthawknâk a si, zeizong vialte ah cungnungbik a si khawh nâkhnga thihnâk in a tho hmasa bik a si;

1 PETER 1:19

asinain sawi le mawhchiat awk um lomi tuufa thisen bantuk a sunglawimi Krih thisen in tlanhmi nan si kha nan hngalh.

LAMKALTU 26:23

Cucu Krih nih harnâk a intuarnâk ding le, a thimi hna thawhṭhannâk lam hruaitu a si lainâk le, Judah mi le Gentel mi hna sinah cu ceunâk kong phuanchuahnâk ding bia kha a si,” tiah a ti.

BIAPHUAN 19:16

A puan le a phei ah: SIANGPAHRANG HNA SIANGPAHRANG LE BAWI HNA BAWI tiah ṭialmi a ngei.

1JOHAN 4:10

Dawtnâk cu hihi a si, Pathian kan dawt hi si loin, Amah nih a kan dawt i kan sualnâk hna ngaihthiamnâk ah a Fapa a run thlahmi hi a si.

JOHAN 18:37

Pailat nih, “Cuti a si ahcun, Siangpahrang na si ko lo maw? tiah a ti. Jesuh nih, “A dikmi na chim. Siangpahrang ka si,” Biatak chim le hngalhter hi vawlei ka chuahchan le ka rat chan a si. Biatak i a ummi pauh nih ka aw hi a ngaih tawn” tiah a ti.

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

BIAPHUAN 7:14

Keinih a sinah, “Ka pu nangmah nih na hngalh” tiah ka ti. “Hi hna hi harnâk nganpi chungin a rakchuakmi an si, an angki kha an suk i Tuufano thisen in ran termi an si tiah a ka leh.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

SALM 72:11

Asi, siangpahrang vialte ahmai ah an bawk lai i miphun kip nih an renh lai.

1TIMOTE 6:15

thangṭhat awktlâk nawlngeitu lu, siangpahrang hna Siangpahrang, bawi hna Bawi nih Amah khiahmi cân ah a langhter lai,

EFESA 2:4

Asinain Pathian, zângfahnâk in a rummi le a liannganmi dawtnâkin a kan dawt caah,

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

1TIMOTE 6:13

Zeizong vialte sinah nunnâk petu Pathian le Krih Jesuh, Pontius Pailat hmai i zumhnâk dik a ṭanhpengtu mithmuh ah nawl kan pêk,

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

JOHAN 15:9

Pa nih aka dawt bangin kei zong nih kan dawt hna, ka dawtmi in um peng ko u.

JOHAN 13:1

Cuticun Lanhtâk Thô hlanah Jesuh nih vawlei hi chuah takin Pa sinah a kal cân a phâncang ti kha a hngalh, vawlei i a ummi a dawtmi ami le hna cu, a dongh tiangin a dawt hna.

ROM 8:37

Ṭhen hlah e! Cu thil vialte hna cu a kan dawtu thawngin teitu hna nâkin teitu kan si deuh.

JOHAN 13:34

Nawlpêk thar kan pêk hna; pakhat le pakhat i daw u, keimah nih kan dawt hna bantukin pakhat le pakhat i daw u.

JOHAN 3:32

A hmuh le a hngalhmi kha a hngalhter tawn, asinain ahohmanh nih a hngalhtermi an zum lo.

JOHAN 3:11

Biataktein, biataktein kan chimh, kan hngalhmi kha kan chim i, kan hmuhmi kha kan hngalhter, cun kan hngalhtermi nan cohlang duh lo.

SALM 51:2

Ka sualpalhnâk hna hi thiang tein ka ṭawl piak hna law, ka sualnâk chungin ka thenh ko sawh.

PHUNGTHLÛKBIA 14:5

Zumhtlâk hngalhpitu cu lih a chim lai lo, asinain hngalhpitu deu nih lih a ṭawn tawn.

MATTHAI 20:28

Mi fapa hmanh hi rianṭuanpiakmi si awk ah a rat ṭung lo, rianṭuan ding le mitampi tlanhnâk caah a nunnâk pêk awkah pei a rat cu, tiah a ti.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

ROM 3:25

Pathian lung saunâk nih cuhlan i sualnâk rak tuahmi kha hngalhpiak ti loin a dinnâk langhter nâkah zumhnâk in a thisen cu lungdamternâk bangin Pathian nih a umtermi a si,

HEBRU 10:29

Pathian Fapa a lamh chih i amah thiantertu biakam thisen a sawhsawh in a ruat i zângfahnâk Thlarau a cawhdehtu cu zeitluk a fakmi hremnâk dah tuar awktlâk ah nan ruah?

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

BIAPHUAN 11:3

Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.