BIAPHUAN 1:20 - Laibaibal Thiang (BSI)

²⁰ Ka orhlei kut i arfi pasarih na hmuhmi hna le sui meiin chiahnâk pasarih hna biathli cu hihi a si: Arfi pasarih hna cu kawhhran pasarih hna i an vancungmi an si. Meiin chiahnâk pasarih hna cu kawhhran pasarih kha an si.

Lai (Hakha) Common Language Bible 2006

²⁰ Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 1:20 Խաչաձեւ Հղումներ

BIAPHUAN 2:1

“Efesa kawhhran vancungmi sinah hitihin ṭial, a orhlei kutin arfi parasih â put i sui meiin chiahnâk pasarih lak i â chok lenmi nih hi bia hi a chim,

BIAPHUAN 3:1

“Sardis kawhhran vancungmi sinah hitihin ṭial. Pathian Thlarau pasarih le arfi pasarih a ngeitu nih hi bia hi a chim. Na tuahmi kha ka hngalh. A nungmi min nâ put nain na thi.

BIAPHUAN 1:16

A orhlei kut in arfi pasarih kha â put i akâ chungin vainam kaphnihhar a rak chuak. Amui cu chunlai niceu bantuk a si.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

BIAPHUAN 2:18

“Cun Thiatira kawhhran vancungmi sinah hitinhin ṭial, Pathian Fapa; meialh bantuk mit a ngei i dartleumi bantuk kephah a ngeimi nih hi bia hi a chim.

BIAPHUAN 2:12

“Cun Pergamos kawhhran vancungmi sinah hiti hin ṭial, vainam kaphnihhar a ngeimi nih khan hi thil hna hi a chim.

BIAPHUAN 2:8

“Cun Smirna kawhhran vacungmi sinah hitihin ṭial, Hmaisa bik le Hmahnung bik, a thi cang i a nung ṭhânmi nih hi bia hi a chim.

LUKA 8:10

Anih nih, “Nan nih caah cun Pathian pennâk biathli hi hngalhsian a si. Asinain midang sinah cun tahchunhnâk lawng in chim a si, an zoh ko nain an hmuh nâkhnga lo le an theih ko nain an hngalh khawh nâkhnga lo, tiah a ti.

MATTHAI 13:11

Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

ROM 11:25

Ule nau hna, hi biathli hi nan hngalh lo ka duh lo, culoahcun nanmah le nanmah nan i fimter sual lai: Gentel mi hna tlamtlinnâk a phâk hlan pauh cu Israel mi hna cungah lungpinnâk a um rih.

BIAPHUAN 1:4

Kei Johan nih, Asia ram i a ummi kawhhran pasarih hna sinah, a um liomi le a um cangmi le a um laimi sin le bawiṭhutdanh hmai i Thlarau pasarih hna sin le;

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

BIAPHUAN 2:5

Cucaah na tlûktâkmi kha hngal in i ngaihchih law na tuah hmasa bik kha tuah ṭhân, nâ ngaihchih lo ahcun hmakhat teah na sinah ka ra lai i na meiin vannâk kha a umnâk hmun in ka ṭhial lai;

BIAPHUAN 17:5

Cun a cal ah hi min hi â ṭial. A LIANNGANMI BABILON, HLAWHHLANG HNA LE VULEI I FIH A NUNGMI HNA NU BIATHLI, tiin.

BIAPHUAN 17:7

Asinain vanmi nih ka sinah, “Zeiruangahdah na khuaruah a har? Hi nu biathli le â citmi sahrang lu pasarih le ki pahra ngeimi biathli kan chimh lai.