BIAPHUAN 1:16 - Laibaibal Thiang (BSI)

¹⁶ A orhlei kut in arfi pasarih kha â put i akâ chungin vainam kaphnihhar a rak chuak. Amui cu chunlai niceu bantuk a si.

Lai (Hakha) Common Language Bible 2006

¹⁶ A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

BIAPHUAN 1:16 Խաչաձեւ Հղումներ

HEBRU 4:12

Zeitintiah Pathian bia cu a nung i a ṭhawng, kaphnih har vainam nâkin a har deuh, nunnâk le thlarau, hliahhlok le thlik tiangin hlang lakin a cheu khawh, lungthin in timhmi le ruahnâk kha a hngalh dih.

BIAPHUAN 2:16

I ngaihchih, culoahcun na sinah ka ra zau lai i ka kâ chung i vainam in ka doh hna lai.

BIAPHUAN 19:15

Cubangin akâ chungin miphun hna a tuknâk ding a hârmi vainam a chuak. Cun thirfung he a uk hna lai. Zeizongtuahkho Pathian thinhunnâk ṭih a nungmi in misur nennâk khor ah a lamhchih hna lai.

BIAPHUAN 2:12

“Cun Pergamos kawhhran vancungmi sinah hiti hin ṭial, vainam kaphnihhar a ngeimi nih khan hi thil hna hi a chim.

EFESA 6:17

Cun khamhnâk kha luchin ah hmang u, Thlarau vainam Pathian Bia kha i tlaih in;

BIAPHUAN 19:21

Cun a dang vialte hna cu rang râng cungah â citmi kâ chungin a chuakmi vainam in thah an si. Cuticun vanva vialte kha an sa in khimter an si.

MATTHAI 17:2

an hmaiah a muihmai kha â thleng. A hmai cu ni bangin a ceu i a hnipuan kha rang cercur in an um.

BIAPHUAN 1:20

Ka orhlei kut i arfi pasarih na hmuhmi hna le sui meiin chiahnâk pasarih hna biathli cu hihi a si: Arfi pasarih hna cu kawhhran pasarih hna i an vancungmi an si. Meiin chiahnâk pasarih hna cu kawhhran pasarih kha an si.

BIAPHUAN 3:1

“Sardis kawhhran vancungmi sinah hitihin ṭial. Pathian Thlarau pasarih le arfi pasarih a ngeitu nih hi bia hi a chim. Na tuahmi kha ka hngalh. A nungmi min nâ put nain na thi.

LAMKALTU 26:13

Chun lai ah, maw, siangpahrang, lamthluan ah van in ceu, ni nâk in a ceu deuhmi cu keimah le ka kalpimi hna vêlchûm ah a rung ceu.

BIAPHUAN 12:1

Cubangin van ah hmelchunhnâk nganpi a lang: nu pakhat nî in â thuammi, a ke tangah thlapa a um i alu cungah arfi hleihnih in an ṭamhmi a rak um.

BIAPHUAN 10:1

Khuadawm in â thuammi, a ṭhawng ngaimi vanmi dang van in a run kha ka hmuh ṭhân rih. A lu ah chuncha a zâm i a hmai cu ni bantuk a si. A ke cu meitung bantuk a si.

SALM 45:3

Maw a ṭhawngmi, na vainam cu na taiah somh law, na sunparnâk le na lianhngannâk he.

BIAPHUAN 2:1

“Efesa kawhhran vancungmi sinah hitihin ṭial, a orhlei kutin arfi parasih â put i sui meiin chiahnâk pasarih lak i â chok lenmi nih hi bia hi a chim,