2 PETER 2:4 - Laibaibal Thiang (BSI)

⁴ Zeitintiah sualnâk a tuahtu vancungmi kha Pathian nih a zuah hna lo, hell chungah a thlak hna i biaceih dingah muihnâk cikcin ṭem buin a chiah hna,

Lai (Hakha) Common Language Bible 2006

⁴ A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

2 PETER 2:4 Խաչաձեւ Հղումներ

JUDAS 1:6

Cun vanmi hna, vanmi an sinâk duh loin an umnâk a kaltâkmi hna cu zungzal ṭêmnâk i ṭêm buin biaceihnâk ni lianngan i biaceih awkah muihnâk tangah chiah an si.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.

LUKA 10:18

Anih nih, “Ṭek bantukin Satan van i a tlâk kha ka hmuh dah kaw.

1JOHAN 3:8

Sualnâk tuahtu cu khuachia ta a si, zeitintiah a hramthawk in khuachia nih sualnâk a rak tuah cang. Pathian Fapa a langhchan cu khuachia rianṭuannâk a hrawh nâkhnga caah a si.

2 PETER 2:11

Ṭhawnnâk le thiltikhawhnâk a ngeimi vanmi hna hmanh nih Bawipa hmaiah, cu hna cu an thangchiat ngam hna lo.

2 PETER 2:5

hlanlio vawlei zong kha a zuah hlei lo; Pathian zeiah a rel lomi hna vawlei ah khan tilian a tlunter. Asinain Noa dinnâk phungchimtu he mi pariat a khamh hna,

LUKA 8:31

Annih nih, taw ngeilo khor i a thlak hna nâkhnga lo an nawl.

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

MARKA 5:7

Aw thangpi in a au, “Jesuh, Pathian Cungnungbik Fapa, kei le nang nih zeidah pehtlainâk kan ngeih? Dân ka tat sawh hlah, tiah Pathian min in kan nawl,” tiah a ti.

MATTHAI 8:29

Hmakhatteah an au colh i, “Jesuh, Pathian Fapa, cân tlin hlanah dân a kan tattu dingah maw na rat?” tiah an ti.

JUDAS 1:13

rili tilet, mah mualphonâk langhter i a phuan a chuah lenmi bantuk an si, a zuangmi Arfi a nak tak takmi zungzal muihnâk chiahpiakmi bantuk an si.

2 PETER 2:9

cuticun Bawipa nih Amah ṭhzahtu cu tukforhnâk chungin luatter ning le, miding lomi hna cu biaceih ni caah zuah ning a hngalh.

ROM 11:21

Zeitintiah Pathian nih a nge tak tak hmanh a zuah lo ahcun, nang zong an zuah hlei lai lo.

SALM 78:50

A thinhunnâk langhternâk lam a sial i an nunnâk cu thihnâk chungin a kilveng duh lo i rai chia tu kha a pêk hna.