2 PETER 2:2 - Laibaibal Thiang (BSI)

² Cun mi tampi nih cubantuk rawhralnâk lam cu an zulh ve lai i anmah ruangah biatak lam kha thangchiat in a um lai.

Lai (Hakha) Common Language Bible 2006

² An ziaza ṭhalo kha mi tampi nih an i cawn lai i cu hna ruangah cun biatak Lam kha thangchiatnak a hmu lai.

2 PETER 2:2 Խաչաձեւ Հղումներ

ROM 2:24

An rak ṭial bantukin “Pathian min cu nanmah ruangah Gentel mi hna lakah thangchiat in a um.”

JUDAS 1:10

Cu hna nih an hngalh lomi kha an thangchiat hna, kokek hngalhnâk an ngeihmi cu, samram a hrutmi hna hngalhnâk nâkin a cungnung hlei lo, hi thil hna ah hin anmah le anmah an i hrawk tawn.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

JUDAS 1:15

“Zohhmanh u, mi vialte cungah biaceih ding le, Pathian bia a zum duh lomi vialte nih, Pathian ṭihzahnâk um loin an tuahmi thil vialte le Pathian-zeiaharellomi hna nih Amah ralchanh in bia an chimmi vialte cung i biaceih ding le thiamlo coter dingin Bawipa cu a mithiang thong hra he an ra lai.”

2 PETER 2:15

Lamdik cu hnu lei chit in, dinlonâk hlawh zong a duhtu Beor fapa Balaam lam kha zul in an tlau cang;

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

TITAS 2:8

a kan dohtu hna nih thangchiatnâk ding zeihmanh an hmuhlo ruang i an ning a zah nâkhnga sawi awk umlo bia dawh kha hman i zuam.

LAMKALTU 24:14

Asinain na hmai ah ka phuan lai, ‘bu dang’ tiah an chimmi lam ningin pupa hna Pathian ka biak tawn-Nawlbia le Profet vialte hna cauk chung ṭialmi ka zumh.

LAMKALTU 16:17

Cu ngaknu nih Paul le kannih a kan zulh i, “Hi hna khamhnâk kong a kan chimtu hna hi, Cungnung Bik Pathian sal le an si,” tiah a au tawn.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

2 PETER 2:21

Dinnâk lam kong an theih hnu i nawlpêk thiang an sin i chiahmi hnu lei chitnâk cha cun dinnâk lam kong kha hngal loin rak um lawlaw sehlaw an caah a ṭha deuh.

TITAS 2:5

biachim â ralringmi, a thiangmi, chungkhar kilkhawitu le ṭha te i um ding le an va le nawl ngai dingin, cawnpiak hna, cucu Pathian bia hi thangchiat i a um sual nâkhnga lo caah a si.

1TIMOTE 5:14

Cucaah a no deuhmi nuhmei hna cu vâ ngei ṭhân ko seh, fale ngeiin, chungkhar zohkhenh sehlaw, a kan ralchanhtu hna sawinâk cân rem tuah hna hlah seh law ka duh.

LAMKALTU 19:9

Asinain cheukhat lunghakmi le a zum duh lomi an um i mizapi sinah lam cu an thangchiat hnuah anih nih a kaltâk hna, zultu kha a dang tein â kalpi hna i Tiranas siangin ah nichiarte a cawnpi hna.

LAMKALTU 18:26

Sinagog ah ralṭha ngai in bia chim a thawk i Prisila le Akuilas nih a biachim an theih tikah a dang tein an hruai i a sinah Pathian lamthluan cu felfai tein an chimh.

LAMKALTU 14:2

Asinain a zum duh lomi Judah mi hna nih Gentel mi an forh hna i an ruahnâk ah huatnâk thlaici tuh in unau kha an huatter hna.

LAMKALTU 13:10

“Nang, hlennâk le zernâk in a khatmi pa, khuachia fapa, dinnâk a ralchanhtu pa Bawipa lam lamding hi merh na timh peng ko lai maw?

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

MARKA 13:22

Zeitintiah krih deu hna le profet deu kha an chuak lai, cu hna nih cun mi hlennâk caah hmelchunhnâk le khuarauhhar thil kha an tuah lai, si kho sehlaw, thimmi hmanh an hlen hna lai.

MARKA 12:14

A sin an phâk tikah, “Cawnpiaktu, miding na si, uar khunmi zong na ngei lo, thleidan zong na ngei lo. Biatak in Pathian bia na cawnpiak tawn. Sizar sin i ngunkhuai pek hi phungning a si maw si lo dah?

MATTHAI 22:16

Anmah zultu le Herod zultu hna he a sinah an thlah i, “Cawnpiaktu, midik na si i Pathian kong biatak in na cawnpiak tawn, minung mithmai na zoh ballo ti kha kan theih, ahohmanh na thleidang hna lo.

MATTHAI 7:14

Asinain nunnâk i luhnâk kutka cu a bi, a lam zong a har i a zulmi zong tlawmte an si.

SALM 18:21

Zeitintiah BAWIPA lam kha kâ cinken i ka Pathian cu suaksual ngai in ka kaltâk bal lo.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

2 PETER 2:12

Asinain hibantuk minung, saram ruahnâk hmanh ngei lo, tlaih i thah awk men i a chuakmi hna nih hin, zeidah a si ti hmanh an hngalh lo tiangin bia chia kha an chim, an Ṭhatlonâk ah khan an rawkral te lai i

LAMKALTU 22:4

Hi lam zultu hna hi thihnâk tiangin ka serhsat hna i nu he pa he ka ṭem hna i thongah ka thlak hna,

2 PETER 2:7

Lot miding, a thûrhnawm tukmi misual hna nunning ruangah a ngaih a chiami kha a khamh.

2 PETER 2:18

Zeitintiah, pakpalawng bia lianngan ngai in an chim tikah a palhmi nunnâk chungin a chuak cangmi hna kha, taksaduhnâk le hornâk chungah an luhpi ṭhân hna.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

JUDAS 1:7

Sodom le Gomora le kiangkap khua hna zong thleidang loin fih a nungmi hornâk ah an i pe, a hleituk in an hor i zungzal meipi i hremnâk a tuar hngami umtuning zohchunh awkah chiah an si.