2 PETER 1:6 - Laibaibal Thiang (BSI)

⁶ hngalhnâk ah khan i sûmnâk telhchih u law, i sûmnâk ah khan inkhawhnâk telhchih u, inkhawhnâk ah khan Pathian ṭihnâk telhchih u law,

Lai (Hakha) Common Language Bible 2006

⁶ nan hngalhnak ah khan mah le mah i uk khawhnak i chap u; mah le mah i uk khawhnak ah khan in khawhnak i chap u; in khawhnak ah khan Pathian ṭihzahnak i chap u;

2 PETER 1:6 Խաչաձեւ Հղումներ

2 PETER 1:3

A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk,

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

LUKA 21:19

Nan in khawhnâk nih nan nunnâk a khamh lai.

HEBRU 12:1

Cuticun kannih zong, hi tlukin a liannganmi hngalhpitu bu nih minmei bangin ankan kulh caah kan thilrit hna le fawi tein a kan foih kho tu sualnâk kha hlonh hna u sih law, kan hmai i tlikzuamnâk a ummi ah inkhawhnâk he tli u sih,

1 KORIN 9:25

Cun laksawng hmuh â timmi hna cu zeizong vialte ah â sum tawn. Annih nih a rawk khomi luchin hmuh awkah an i zuam i kannih nih a rawk kho lomi luchin hmuh awkah kan i zuam.

TITAS 2:2

putar kha lungfim te le hmaizah awktlâk, â uk khomi, a dikmi zumhnâk le dawtnâk, toidornâk he um dingin cawnpiak hna;

GALATI 5:23

toidornâk le i sumkhawhnâk an si, cu thil hna ralchanh in nawlbia zeihmanh a um lo.

BIAPHUAN 14:12

Hika ah hin mithiang, Pathian nawlpêk le Jesuh zumhnâk â nunpitu hna caah inkhawhnâk a um.

BIAPHUAN 2:2

“Na tuahmi kha ka hngalh hna, nâ zuamning le, na inkhawhnâk le misual nain khawh hna lo kha ka hngalh. Cun lamkaltu an si lo nain lamkaltu ka si â timi hna zong na hneksak hna i lihchimmi an sizia na hngalh cang hna.

TITAS 1:8

asinain conglomh thiam, ṭhatnâk duhmi, lungfimmi, a dingmi, a thiangmi le amah le amah â uk khomi an si awk a si,

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

KOLOSE 1:11

lungsaunâk le inkhawhnâk le lomhnâk in nan um khawh nâkhnga a liannganmi a ṭhawnnâk nih thazâng pein an ṭhawnter hna lai,

2 KORIN 6:4

Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

ROM 8:25

Kan hmuh rih lomi khi kan i ruahchan ahcun lungsau ngaiin kan hngak tawn.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

LAMKALTU 24:25

Cubangin Paul nih dinnâk, i sumnâk, biaceihnâk a um te laimi kha a chim i Felik nih a ṭihtuk hringhran, “Va kal cang, cân rem ka ngeih tikah kan auh ṭhân te lai,” tiah a ti.

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

SALM 37:7

BAWIPA ah i din law, Amah cu lungsau in hngak ko; an zulhmi lam i a neinung ngaimi hna ruangah le suahsualnâk ruahbu in a tluang ngaimi hna ruang zongah na ngaih i chiatter hlah.

ROM 15:4

Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si.

BIAPHUAN 13:10

Sal ah a hruaitu pauh cu sal ah an um lai; vainam in mi a thattu cu vainam in thah a si ve lai. Hika ah hin mithinghlim hna inkhawhnâk le zumhnâk a lang.

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

HEBRU 6:15

Cuticun lungsau ngaiin a ṭuan hnu ah, kamhmi kha a co.

HEBRU 6:12

cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

2TIMOTE 3:5

Pathian duh ngaimi an i lawhter lai, asinain a ṭhawnnâk an zum lai lo. Cubantuk mi hna cu hrial hna.

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

1TIMOTE 6:6

Pathian-ṭihzahnâk hi lungtlinnâk he cun a hlawk ngaimi a si.

1TIMOTE 6:3

Ahohmanh nih cawnpiaknâk dang a cawnpiak i a ngandammi bia, kan Bawipa Jesuh Krih bia hmanh pom lo in, Pathian upatnâk he â tlakmi bia hmanh a pom duh lo ahcun;

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

1TIMOTE 2:10

Pathian a ṭanhtu nu hna nih a za tawkin thilṭha tuah in i ṭamh hna seh.

1TIMOTE 2:2

hnangam le dai te le Pathian upat le ṭihzah in khua kan sak khawh nâkhnga, bawi le nawlngeitu vialte caah thla cam u.

2 THESALON 3:5

Cubangin Bawipa nih nan lungthin kha Pathian dawtnâk le Krih inkhawhnâk ah in chia ko hna seh.

2 THESALON 1:4

Cuticun serhsatnâk le harnâk vialte nan tuarnâk i nan inkhawhning le nan zumhnâk ruangah Pathian kawhhran hna sinah kan hmai a hngal tawn,